युहन्‍ना 4 Popüler Kutsal Kitap Ayetleri

Paylaş

निवाहाङ होङ्‌निवा ले़ये, मोडोगे़ॽ खोमि ओहाङ ले़ःॽखुबाजिडे़ॽ चाइबमानुङ होङ्‌निवाबाङ आराधना ले़ःॽमा खे़ये।”

तर बेला लेम्‍मे़ॽनिङ्‌सिये, मो बेला आयुनोॽ ले़ये, चइबानोॽ ओहाङ ले़ःॽखुबाजिडे़ॽ निवाहाङ पाबा होङ्‌निवानुङ चइबमा ओहाङ पिन्‍डुजे। चाइबमा ओहाङ ले़ःॽखुबाजिनोॽ पाबाडे़ॽ योॽइन्‍डुजे।

तर असे़ॽ के़ॽ पिबॽआ योङा उङ्‌इन्‍डुजे खो फेरि इन्‍डोक्‍पेॽसो वाइमे़ॽ सिसुनिबा। इन्‍ढोङ्‌होङ के़ॽ पिमे योङा चाहिँ मो याॽमि होङ्‌सिॽयु सानिङ्‌नोॽ पिॽइये, खो योङा पिॽठाम मुहान लिये, मोसे़ॽ खो ए़स्‍सिमे हिङ्‌मवा पिन्‍डुए!”

येसुडे़ॽ मो मेॽनामिॽ लुसु, “हे़ने़ॽ निवाहाङ्‌मि बरदाननुङ हे़न्‍नुङ योङा ङाःक्‍खुबा लेबॽआ ले़टाहोङ हे़ने़ॽ खोनुङ ङाःगुए, मोबा खोसे़ॽ हे़न हिङ्‌मवा पिघु योङा पिसे़।”

येसुडे़ॽ माहाजि लुसुजि, “काङ्‌मि चामे खा लुबॽआ चाहिँ का पाङ्‌घुबाडे़ॽ मिॽपॽआडोॽ ले़ःॽमानुङ खोमि योम्‍बोक पुरा ले़ःॽमानोॽ ले़ये।

मो सामरि मेॽनामिॽडे़ॽ येसु लुसु, “हजुर, हे़न्‍नुङ योङा पाक्‍ठामसो माॽआ, इनारसो बेॽलोनोॽ होङ्‌डुम्‍बा ले़ये, मोबा हे़ने़ॽ हाम्‍बाङ्‌डे मो हिङ्‌मवा पिघुबा योङा लाजे़न्‍डुए ?

मो सामरि मेॽनामिॽडे़ॽ येसु लुसु, “के़ॽ लेनुङे़, मुक्‍ति पिघुबा मसिह लेङ्‌इये, (खो खिरिस्‍ट लुन्‍डुजे) खो लेङ्‌येम्‍बाङ खोसे़ॽ कानिङ चोप खा इःबेॽये।” येसुडे़ॽ मो मेॽनामिॽ लुसु, “हे़न्‍नुङ यामुघुबा, कानोॽ मो खिरिस्‍ट ले़ङे।”

“आप्‍नुङ खाक्‍सानुमे, इक्‍को याॽमि इगोबेॽ लेङ्‌इटे़, खोसे़ॽको के़ॽ ले़ःॽपॽआ चोप योम्‍बोकमि टुम्‍बेॽ लुबेॽटा। खोनोॽ मुक्‍ति पिघुबा हाङ्‌बा खिरिस्‍टगो ने़ॽनेन्‍डे ?”