SAN MATEO 7 Popüler Kutsal Kitap Ayetleri

Paylaş

Cykanenx te Dios tuꞌn ttzaj tkꞌoꞌn jnajben cyey, bix ctzaal kꞌoꞌn cyey. Cycubsanx cywitza te Dios, bix tzul tbiꞌn. Bix cytcoꞌncx tlemel tjaxin, tuꞌntzen tjket cywitza.

Jaca juun xjal nxiꞌ tkanen te Dios, ctzaaltzen tkꞌoꞌn Dios te, bix jaca juun xjal ncubsan twitz te Dios tiꞌ onbilte, ctiikꞌeltzen, bix jaca juun xjal n-oc cytcoꞌn tlemel jaaꞌ, cjketel twitz.

Tuꞌn tpon baj twiꞌ nyola, cxeꞌl nkbaꞌna cyey jun techel. Jaca juun xjal tzin tbiꞌn nyola bix nbint tuꞌn, ja tzunja tisen jun xjal at tnaabl e jaw tbinchaꞌn tja twiꞌ xak cyiw.

Juꞌ tzunj, ka cyaja tuꞌn tbint jun baꞌn cyey cyuꞌn xjal, ccybinchay jun baꞌn cye, cuma juꞌ tzin tkbaꞌn tley Moisés bix juꞌ e cykba tyolel Dios tuj tyol Dios.

Pero ttziiꞌ jbe nxiꞌ tiiꞌn ke xjal tuꞌn cypon tuj cychunkꞌlal tuya Dios, chꞌin twitz, bix yaaꞌn nim xjal ncnet ja be lu cyuꞌn.

Chꞌin twitz ttziiꞌ tcawbil Dios, pero cykꞌoꞌnc cyipena tiꞌj tuꞌn cyocxa tuj, cuma nim twitz ttziiꞌ jbe nxiꞌ tiiꞌn ke xjal tuj kꞌakꞌ, bix te nim tweꞌ ja beꞌwe, bix nim xjal nchi ocx tuj, cuma yaaꞌn cyiw tuꞌn cyocx.

Mlay cybinchay juꞌwa. Amale aj iletkey, pero jaj baꞌn cxeꞌl cykꞌoꞌna cye cycwala. Yajtzen te Cymana tuj cyaꞌj, ¿yaaꞌmpale masxsen jaj baꞌn ctzaal tkꞌoꞌn cyey oj t-xiꞌ cykanena?

Bix e xiꞌ tkbaꞌntl Jesús cye t-xnakꞌatz: —Miꞌn tzꞌoc cycyeꞌyena ke xjal tuꞌn t-xiꞌ cykbaꞌna ka kaꞌke xjal, tuꞌntzen miꞌn cub castiwa tuꞌn Dios cyibaja, cuma ka ma chi yolena cyiꞌ xjal tuya cyiw yol, jax tzul tkꞌoꞌn Dios cyiw yol cyey. N-oc tcyeꞌyen Dios laꞌ ti cyey nxiꞌ cykꞌoꞌn cye xjal, bix ctkꞌaꞌ t-xel cyey.

Pero jaca juun xjal tzin tbiꞌn nyola pero min tniman, ja tzunja tisen jun xjal mintiiꞌ tnaabl e jaw tbinchaꞌn tja tuj ttxa tzꞌaꞌn.

¿Tikentzen nyoleney tiꞌj jun tuyey tocx jun niꞌ tzꞌis tuj tbakꞌ twitz, pero min tzꞌel tniꞌya tiꞌj tuj tey tbakꞌ twitz tocxe jun tzeeꞌ? ¿Tikentzen nxiꞌ tkbaꞌna te tuyey: “Hermano, qꞌueletz wiiꞌna niꞌ tzꞌis tuj tbakꞌ twitza,” tz̈iy, pero jeyꞌ, lu jun tzeeꞌ tocx tuj tey twitza?

Cycꞌojlam cyiiba cye kej xnakꞌtzal tyol Dios ẍtakꞌ chi ul cyuyey. Ccyeecꞌa cyiib tisencꞌa carnelke, pero xoꞌjke, bix cyaj tuꞌn cyxitja. Tuꞌnj cybinchben qꞌuelel cyniꞌya tiꞌj ti tten cyanem. ¿Jacꞌapa tzꞌel loꞌpj te uva tiꞌ jun skman chꞌiꞌx, bix loꞌpj te higo tiꞌ jun tzeeꞌ at chꞌutel?

Mlay. Jun tzeeꞌ kaꞌ tzin tkꞌoꞌn twitz kaꞌ, bix jun tzeeꞌ baꞌn tzin tkꞌoꞌn twitz baꞌn.

Jun tzeeꞌ baꞌn, mlay takꞌ twitz yaaꞌn baꞌn. Bix jun tzeeꞌ yaaꞌn baꞌn, mlay takꞌ twitz baꞌn.

Jaca juun tzeeꞌ, ka yaaꞌn baꞌn twitz tzin tkꞌoꞌn, cjawel txꞌomet bix cꞌoquex tuj kꞌakꞌ.