SAN MATEO 5 Popüler Kutsal Kitap Ayetleri

Paylaş

Oj toc t-xket cantil tuꞌn jun xjal, yaaꞌn tuꞌn tocx ewet tjakꞌ jun alma, sino cwel tkꞌoꞌn twiꞌ mes, tuꞌntzen tkꞌonte spiꞌyen cye kej xjal at tuj jaaꞌ. Jax juꞌx cyey, cyiiꞌnxa cychunkꞌlala cywitz xjal tuj tumel, tuꞌntzen tchicꞌajax cybinchbena baꞌn, tuꞌntzen tjaw cynimsaꞌn xjal Cymana Dios at tuj cyaꞌj.

Ejeeꞌy tisen spiꞌyen cye xjal. Bix chicꞌaj cynaabla tisen jun tnom tcub twiꞌ jun witz. Yaaꞌn baꞌn tuꞌn tcub cyewena cynaabla cywitz xjal.

At t-xtalbil Dios cyibaj kej xjal sakxix tuj cyanem, cuma cꞌoquel cycyeꞌyen Dios.

At t-xtalbil Dios cyibaj kej xjal nimxsen cyaj tuꞌn cyoc jiquenxix twitz Dios, cuma ctzaal tkꞌoꞌn Dios cyajbil.

Pero jatzen weya, cxeꞌl nkbaꞌna cyey, il tiꞌj cꞌoquel cyakꞌ cyey kej xjal nchi kꞌojl cyiꞌja, bix chi naꞌna Dios cyiꞌkej nchi yasen cyiꞌja

—At t-xtalbil Dios cyibaj kej xjal n-el cyniyꞌ tiꞌj mintiiꞌ cyipemal tuꞌn cyclet cyuꞌnx, cuma ckꞌojel cye tuꞌn cyocx tuj cyaꞌj.

At t-xtalbil Dios cyibaj kej xjal n-oc cyipen tuꞌn tweꞌ kꞌoj cyxol xjal bix tuꞌn cyten xjal tuj ttz̈yal cyuya juntl, cuma cꞌoquel kꞌoꞌn cybi tcwal Dios.

At t-xtalbil Dios cyibaj kej xjal nchi bisen tiꞌj cyil, cuma ccywixel cycꞌuꞌj.

At t-xtalbil Dios cyibaj kej xjal nchi baj yaset cyuꞌn xjal nuk tuꞌnj jiquen eteꞌ twitz Dios, cuma ckꞌojel cye tuꞌn cyocx tuj cyaꞌj.

At t-xtalbil Dios cyibaj kej xjal n-oc cykꞌoꞌn lastim cye cabtl xjal, cuma cꞌoquel tkꞌoꞌn Dios lastim cye.

At t-xtalbil Dios cyibaja oj nchi xmucchan xjal cyiꞌja bix oj nchi oc yaseta cyuꞌn bix oj nchi yolen xjal kaꞌ cyiꞌja tuya xtzꞌimj yol nuk wiꞌja. Chi tzalaja, cuma ctzaal kꞌoꞌn cyey nim cycotza tuj cyaꞌj, bix cuma juniyꞌ cytena cyuya ke tyolel Dios te ootxa. Oc cyyasen xjal ejeeꞌ nuk tiꞌj tyol Dios―tz̈i Jesús cye t-xnakꞌatz.

At t-xtalbil Dios cyibaj kej xjal min jaw cyniman cyiib, cuma ckꞌojel twitz txꞌotxꞌ te cykab.

Bix e xiꞌ tkbaꞌntlxin cyexin: —Tisen tzin tkꞌoꞌn atzꞌen ttz̈yal waabj, bix tuꞌn miꞌn kꞌey waabj, jax juꞌx nchi ajbena cyxol xjal tuꞌn cyten xjal baꞌn. Katzen ma tzꞌel baj tikꞌbil atzꞌen, ¿ti tten tuꞌn tcub meltzꞌajtl ttz̈yal? Mintiiꞌ cꞌajbeletl. Oꞌcx nuk tuꞌn tex xeꞌt, bix tuꞌn tbaj waꞌban cyuꞌn xjal.

Juꞌ tzunj, chi ocxa tzꞌaklxix, tisen te Cymana tuj cyaꞌj tzꞌaklxixte―tz̈i Jesús.

Juꞌ tzunj, miꞌn txiꞌ cykbaꞌna jun yol te jurament tuꞌn tcywix cyyola. Nuk oꞌcx tuꞌn cyyolena tuya jun yol jaxxix. Ka ma tzꞌoc cykꞌoꞌna juntl yol tibaj, kaꞌ tzunj lu.

O cybiy e cykba kej xjal crinsipal nejl: “Ka ma txiꞌ tbakꞌ twitza bix ka twitz tey tuj il tuꞌn juntl xjal, baꞌn tuꞌn tjyona tcastiwa twitz ley, tuꞌntzen t-xela junx.” Pero jatzen weya, cxeꞌl nkbaꞌna cyey, miꞌn chi kꞌojla cyiꞌj xjal nchi binchan kaꞌ cyiꞌja. Ka ma txiꞌ ttzꞌajen jun xjal tkꞌoꞌtxa tuj tmankꞌaba, kꞌonxa juntl plaj tuꞌntzen t-xiꞌ ttzꞌajen.

Juꞌ tzunj, ka ma cub tzꞌaka tuj il tuꞌn tlaj tbakꞌ twitza tuj tmankꞌaba, kꞌimatza bix xomaxa, cuma mas baꞌn tuꞌn tetz jun tbakꞌ twitza twitzj tuꞌn t-xiꞌ xeꞌt cykilca t-xumlala tuj kꞌakꞌ. Bix ka ma cub tzꞌaka tuj il tuꞌn tlaj tmankꞌaba, txꞌomela bix xomaxa, cuma mas baꞌn tuꞌn tel txꞌomet jun tkꞌaba twitzj tuꞌn t-xiꞌ xeꞌt cykilca t-xumlala tuj kꞌakꞌ.