SAN MATEO 12 Popüler Kutsal Kitap Ayetleri

Paylaş

Cxeꞌl nkbaꞌna cyey, jaca yol min tzꞌajben nxiꞌ tkbaꞌn jun xjal, cxeꞌl tkꞌoꞌntzen tcwent te Dios oj tul kꞌij te xkelbil twitz Dios. Cyyola te jaꞌlewe kbalte ti pjel cyey tuj tzunj kꞌij tzul, cuma ka baꞌn yol n-etz tuj cytziy jaꞌlewe, cchicꞌajaxeltzen ka baꞌnkey twitz Dios. Pero ka kaꞌ yol n-etz tuj, cweltzen cytziy tkꞌoꞌn Dios cycastiwiya―tz̈i Jesús cye fariseo.

Ejeeꞌy, tisen lbajkey, cuma nuk kaꞌ n-el tuj cytziy. Kej xjal kaꞌ, chi yolel kaꞌ, cuma tiꞌ tyol jun xjal tzin tyeecꞌan ti tten tuj tanem.

Kej xjal baꞌn nchi yolen baꞌn, cuma tuj cyanem taꞌ baꞌn. Pero kej xjal yaaꞌn baꞌn, nchi yolen kaꞌ, cuma tuj cyanem taꞌ kaꞌ.

Juꞌ tzunj, cxeꞌl nkbaꞌna cyey, baꞌn tcub tnajsaꞌn te Dios tixja ilel bix tixja xmucchabl yol wiꞌja. Pero kej xjal tzin cykbaꞌn ka junx Espíritu Santo tuya taaw il, mlay najset cyil.

Tuꞌnj tbinchben jun xjal qꞌuelel cyniꞌya tiꞌj ti tten tnaabl jun xjal. Jun tzeeꞌ baꞌn miꞌn takꞌ twitz kaꞌ, bix jun tzeeꞌ kꞌeynen mlay takꞌ twitz baꞌn. Juꞌ tzunj, miꞌn txiꞌ cykbaꞌna ka baꞌn nbinchbena pero kaꞌ nnaabla.