मत्‍ती 1 Popüler Kutsal Kitap Ayetleri

Paylaş

हुगो भु बेत्। ॱनी हुगी मीङ् दील रङ्‌गी येशु सीन्‍न तोज्‍यीत्। हुगी खोङ् रोरङ्‌गी मीस्‍सीर् घयेत् दीक्‍पे लक्‍नी छी थर्वल तो़ङ्‌गेन् बेत् झ्‍यीब बेत्।

भुमु नज्‍युङ्‌म च्‍यीक्‍ल भुजीम थो़न्‍न, भु च्‍यीक् कीगेन् बेत्। हुगी मीङ् दील इम्‍मानुएल् सीक्‍केन् बेत्। हीगी धो़न् दी को़न्‍ज्‍योक् हज्‍यरङ्‌दङ् दल यो़क्‍केल्‍ल सीक्‍केन् बेत्। ॱनी हीगो डुबल हुगो झ्‍युङ बेत्।

ॱनी हीगी ढीक्‍ल युसुफ्‌की ॱनोक्‍सम् गज्‍येन् तङ बेत्। ॱनी हुगी यङ्‌ल ॱङीनम्‍ल चोव ज्‍यीन्‍दक्‍की भङ्‌ज्‍येम्‍ब च्‍यीक् इगीनी मल्‍ल युङ्‌न, हुगी युसुफ्‌ल दाऊद्‌गी ज्‍यी़त् युसुफ् रङ् हुगी भुमु हुगो ठीक्‍पल तव ॱमत् ॱस्‍यो़प्‍प, हुगो रङ्‌गी ॱनमल ठीक्। हुगी ढोप्‍पे भीज हुगो धम्‍बे थुगी च्‍येबे भीज बेत्।

येशु ख्रीष्‍ट्‌की कीये लेमु हीन्‍दुक् झ्‍यीन झ्‍युङ बेत्। येशुगी आम मरीयम्‍ल युसुफ्‌की धर् तान यो़प्‍प बेत्। ॱनी युसुफ्‌तङ् भालीन् झ्‍यीन जोम् जोम्‍ले एल्‍ला मरीयम्‍ल भुजीम च्‍येन यो़प्‍प युसुफ्‌की ॱह घोव बेत्। हुगो म दी धम्‍बे थुगी भुजीम च्‍येन यो़प्‍प बेत्। ॱनी युसुफ् को़न्‍ज्‍योक्‍की क धङ् धम्‍ल चीगेङ्‌गी मी ढङ्‌बु झ्‍यीनी, मीङेङ्‌गी लेमु मत् झ्‍यीब, ॱसोप्‍ल मरीयम् ॱलो़ तोङ्‌ज्‍ये ॱनो़ब झ्‍यीब बेत्।