JOHN 6 Popüler Kutsal Kitap Ayetleri

Paylaş

Jisü no panoqo vilo pi, “Ni ye aküxüpu shoke, khunono I lau ighini keno müzüthi monani, eno khunono I pülüni keno khilemu tüghüthi monani.

Aküxü tsü chekeu ye Aghungu noke; ashi ye kiumu shimlae. I no nongu vilo pivekeu tsa no aghungu eno aküxüpu ke.

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

Jisü no khochile, “Pa no khuu puwu keno, nongu no pa pülü luvelo, hi no Alhou kümla ke.”

I Pu no I tsükeu kümtsü I lau ighi nani, eno I lau ighi keqo ni ye khilemu hapheve monani.

Simon Peter no pa khochile, “Ampeu, ningu ye khuu lau wuni kea? Nono lhokta küxüpu tsa ani

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

I Pu I puwu keu no sünhe saghimo keloye khumu I lau ighimlae. Eno ashekha tsala lo I no pa xüputhu nani.

Kughengu khuu kungugha lono iqighi no ayeghiqha lau aküxüpu tsü keno, Pa no Alhou no tsükeu shoke.”

Ni ye aküxüpu shoke.

Tishino Jisü no ashopa ikhilu no shikimthi tsüve kethiu iqa akeqo kijetsü. Titoi akha ghi panongu no lunishi ke thaqhü kijetsü. Kughou panongu no aghakiqi shi chuve keno, Jisü no akhopemi vilo pi, “Kiumu kilheve monike munomugho ghi kiche kütsülo.”

Kughou panongu no ashuka sasü kilometer pungu-tsügho tohilo wuve keno, Jisü no azü shou no alachesü ashuka küdau cheghi keu ithulu no panongu ye shishe msave. Ikemu pa no panoqo vilo pi, “Ni ke msa kevilo.”