ဒေါ ဂုဝ် 14 Popüler Kutsal Kitap Ayetleri

Paylaş

အုဝ် ဘော အိူပ် ဇဝ်ဖြာ အီ အိုပ် တူတ့် ဒွန် မျုဝ်။ အန် ဟဲ့ တဲး မဲ ပဲ ရန်ဆူ မဲ။” ခဲ့ ပီ ပွိုန် အာဘြာမ် ဒီ ရန်ဆူ အန်၊ အန် ဝီ ဒွါ ဂိုဝ် ဘုန် အူ ဘုန် ဒီ အာမေခေဒေက် တွိုန်။

န့ ယီ မုး ခုန်ဒီခမ် ခဲင် မိူင် ဆာလေမ်၊ အန် စိူဝ် အာမေခေဒေက်။ အန် ဘော မုး ဒါ အီ လှူ ဒီ ဇဝ်ဖြာ အီ အိုပ် တူတ့် ဒွန် မျုဝ်။ အာမေခေဒေက် တီ၊ အန် ဘော လေး တိုယ် ခါမုန် ဘော အိုမ် မာငုန်၊ ဒွါ ဒီ အာဘြာမ်။ အန် မိူဝ် မွင့်ကာရာ တဲး ဒီ အာဘြာမ်။ အန် တဝ်း၊ “ဇဝ်ဖြာ အီ အိုပ် တူတ့် ဒွန် မျုဝ်၊ အီ မုး အန် ဇဝ် အီ ဖာန် ဘ့လေး ဘော ဂါင်ဟြာဝ် ဘော ကာဒါယ်၊ အန် ဒီ မွင့်ကာရာ တဲး ဒီ မဲ အာဘြာမ်။

အာဘြာမ် ဝီ ဝျီ့ ဂြုဝ်း ခုန်ဒီခမ် အီ အိုပ် မိူင် ဆုဝ်ဒူမ် တွိုန် တဝ်း၊ “အုဝ် ဒွါ ကာဒိက် ဆတ်ဇာ၊ တဲး ဘော ဇဝ်ဖြာ ထူမ် အီ အိုပ် တူတ့် ဒွန် မျုဝ်။ ခဲ့ ဆေန့် အူ ညွင့်၊ အုဝ် မိူဝ် တူ ဒိုဝ်း။ ဘော ဝန် ခူဒိန့် အာဒါ အူ ညွင့် အုဝ် တူ ဒိုဝ်း။ ကြုဝ် မဲ ပီ ဒိုဝ်း ရန်ဆူ ဂေ တွိုန်၊ အုဝ် တူ ဒိုဝ်း မာဆေ။ ကွဲ့ တဲး မဲ ပွိုန် ဒီ ကာလာင်၊ မဲ ဟဲ့ ဘူင် တဲး အုဝ် ခြမ်။