ᤗᤢᤁᤠ 24 Popüler Kutsal Kitap Ayetleri

Paylaş

“ᤀᤠᤸᤗ ᤂᤧᤵᤛᤧᤶᤔᤧ᤹ᤀᤥ. ᤀᤡᤱᤃᤠ᤹ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤂᤡᤏᤡ᤹ᤀᤥ ᤐᤠᤱᤄᤢᤱ ᤕᤢᤛᤢᤱᤗᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤔᤢᤰᤛᤠᤶᤔᤡᤸᤗᤧ ᤁᤢᤎᤡᤶ ᤔᤧᤶᤒᤥᤱᤅᤣ ᤌᤠᤖᤡᤰ ᤒᤠ ᤁᤴ ᤕᤧᤰᤕᤰᤁᤥᤀᤣ ᤘᤕᤧᤶᤔᤧ᤹ᤀᤥ॥”

“ᤂᤢᤏᤧ᤹ᤃ ᤁᤵᤔᤥ ᤜᤥᤵᤗᤥ᥄ ᤂᤢᤏᤧ᤹ᤃ ᤕᤠᤶᤔᤥ ᤜᤡᤅᤧᤀᤠᤱ ᤘᤠ᤹ᤖᤥ॥ ᤃᤠᤗᤡᤗᤀᤥ ᤂᤡᤏᤡ᤹ᤏᤢ ᤘᤕᤧᤸᤗᤧ ᤂᤢᤏᤧ᤹ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ

ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤰᤁᤡᤴ ᤜᤖᤧᤀᤠᤱ ᤂᤢᤏᤧ᤹ ᤁᤢᤛᤡᤱ ᤏᤡ᤺ᤳᤋᤧᤳᤇᤢ. ᤁᤖ ᤂᤧᤵᤔᤥᤀᤣ ᤂᤢᤴᤇᤡ᤹ ᤋᤃᤡᤗᤠᤶ ᤂᤢᤏᤧ᤹ ᤀᤠᤗᤠᤵ ᤐᤥ᤺ᤰᤂᤧ ᤐᤣᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤀᤰᤂᤣ ᤔᤧᤳᤏᤧᤳᤇᤡ. “ᤔᤧ᤺ᤶᤒᤧ. ᤗᤠᤶᤔᤥ ᤀᤠᤏᤡ᤹ ᤋᤠ᤹ᤀᤠᤈᤧᤰᤂᤧᤖ ᤀᤠᤓᤧᤖᤧᤖ ᤀᤠᤒᤳᤇᤧᤸᤗᤧ ᤂᤢᤏᤧ᤹ ᤛᤠᤶᤕᤥᤛᤠᤵᤗᤠᤴ ᤐᤥᤎᤰ ᤀᤠᤈᤥᤃᤧᤳᤇᤡ ᤀᤠᤒᤡᤖᤧᤳᤇᤡᤸᤗᤧ ᤀᤠᤴᤇᤡ᤹ ᤛᤡᤰ ᤐᤛᤶᤛᤔᤧᤀᤠᤱ ᤘᤕᤧᤒᤡ ᤔᤣ᤺ᤶᤒᤡ᥅”

ᤂᤧᤱᤜᤠ᤹ ᤀᤰᤂᤣ ᤔᤧᤳᤋᤢᤛᤡ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤱᤃ ᤋᤢᤰᤂᤣ ᤆᤠᤔᤠᤀᤣ ᤐᤥᤱ. ᤜᤧᤰᤁᤩᤠᤱ ᤛᤡᤔᤠᤀᤠᤱ ᤛᤢᤶ ᤕᤧᤴᤏᤥ ᤕᤠᤶᤔᤥ ᤜᤡᤱᤔᤠᤀᤣ ᤐᤥᤱ ᤑᤠ᤹ᤀᤠᤱ ᤛᤠᤵᤋᤧᤀᤠᤱ ᤐᤳᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤡᤱᤅᤥ ᤗᤠᤕᤥᤗᤠᤶ ᤜᤡᤴᤇᤡᤱᤔᤠ ᤏᤢ ᤗᤧᤵᤔᤡᤖᤧᤴ ᤛᤢᤏᤠᤀᤡᤱᤅᤡᤴ ᤕᤖᤢᤛᤗᤧᤶᤔᤥ ᤜᤣ᤺ᤰᤔᤠᤀᤠᤱ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤀᤥ ᤀᤡᤱᤓᤥᤔᤠᤀᤣ ᤐᤥᤱᤗᤥ॥

ᤂᤧᤱᤜᤠ᤹ᤖᤧ ᤀᤡ᤺ᤵᤐᤢᤱᤅᤡᤸᤗᤧ ᤁᤢᤔᤢᤖᤠᤀᤥ ᤔᤧᤕᤧᤵᤛᤢᤒᤠ ᤕᤶᤒᤠ ᤗᤢᤱᤅᤡᤴ ᤌᤡᤰᤗᤧᤵᤔᤠᤱ ᤔᤧᤀᤡᤛᤢᤀᤠᤱ ᤏᤧᤛ᤻ᤛᤧᤒᤠ ᤔᤧᤏᤡᤛᤢ. ᤁᤖ ᤂᤧᤱᤜᤠ᤹ ᤛᤡᤃᤠᤱ ᤔᤧᤗᤠ᤺ᤛ᤻ᤛᤧᤸᤗᤧ ᤍᤠᤱᤒᤠ ᤕᤧᤛᤢᤖᤧ ᤁᤢᤎᤰᤁᤡᤴ ᤔᤧᤱᤄᤥᤛᤢᤴᤗᤥ॥