यूहन्ना 3 Popüler Kutsal Kitap Ayetleri

Paylaş

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

जोन हुनचो उपरे बिश्वास करू आय, हुनचो उपरे डण्ड चो हुकुम नी होये, मान्तर जोन हुनचो उपरे बिश्वास नी करे, हुन दोषी ठेबुन चुकलो; ऐईकाजे कि हुन माहापुरू चो गोटकी ची बेटा चो नाव थाने बिश्वास नी करलो।

आउर डण्ड चो हुकुम चो कारन ऐ आय कि उजर जगत ने ईली से, आउर मानेमन अंधार के उजर ले खुबे लाड़ जानला कसनबल्लोने हुनमन चो काम खराप रये।

जरूरी आय कि हुन बाड़ो आउर मय घटे।”

कसनबल्लोने जोन कोनी खराप करू आय, हुन उजर ले बईर संगाऊ आय, आउर उजर चो लगे नी ऐये, असन नी होओ कि हुनचो काममन थाने दोष लगाया जाओ।

जोन बेटा उपरे बिश्वास करू आय, अमर जीवना हुनचो आय; मान्तर जोन बेटा चो नी माने, हुन जीवना के नी दकें दें, मान्तर माहापुरू चो रीस हुनचो उपरे रऊ आय।”

आउर जोन रीति ले मूसा रान थानले सांप के डेंगे चेगालो, हुनी रीति ले जरूरी आय कि माने चो बेटा बले डेंग थाने चेगाया जाओ

बुआ बेटा ले मया संगाऊ आय, आउर हुन सपाय तीजमन हुनचो हाथ ने देऊन दिलो से।