San Juan 6 Popüler Kutsal Kitap Ayetleri

Paylaş

Y chi je̱'e̱ Jesús ñu̶maayu̶ ajku̶xy: —U̶u̶ch du'un u̶u̶ch neby je̱'e̱ tzajkaagyu̶ñ, je̱'e̱ mu̶dyiibu̶ je̱'e̱ jugy'ajtu̶ñ wiinu̶u̶xu̶u̶bu̶ ye̱jkpu̶ñ. Y pu̶n u̶u̶ch xyñimiimb xykyu'ubu̶jkpu̶ñ, ka'p yuu xu̶u̶ je̱'e̱ nimu̶naaxu̶u̶ ju̶wu̶u̶ygyu̶xu̶ch; y pu̶n u̶u̶ch je̱'e̱ n'ayuuk ndu̶y'ajt xymyu̶bu̶jku̶byu̶ñ, ka'p tu̶dzu̶'u̶wu̶u̶ je̱'e̱ nimu̶naaxu̶u̶ ju̶wu̶u̶ygyu̶xu̶ch.

Je̱'e̱ ja'ay y'aanu̶mu̶, je̱' je̱'e̱ ni'kx kopt yajjugy'ajtp, y je̱'e̱ ni'kx kopt ka'p je̱'e̱ maa chobaady pu̶nu̶ ka'p naty je̱'e̱ y'aanu̶mu̶ mu̶u̶du̶ch. Y je̱'e̱ ayuuk je̱'e̱ tu̶u̶bu̶ nyajmu̶dmu̶dyaakku̶xy je̱' je̱'e̱ Dios tyu̶y'ajtu̶ñ y je̱' je̱'e̱ jugy'ajtu̶ñ wiinu̶u̶xu̶u̶bu̶.

Ka'p mmu̶daj mmu̶maaygyu̶xy neby je̱'e̱ ju̶kxy pu̶ky mu̶baad mbaatku̶xyu̶ñ je̱'e̱ mu̶dyiibu̶ ku̶jxp najxpu̶ñ, je̱' mmu̶daj mmu̶maaygyu̶x je̱'e̱ ju̶kxy pu̶ky mu̶dyiibu̶ ijtu̶u̶b y je̱'e̱ mu̶dyiibu̶ je̱'e̱ jugy'ajtu̶ñ wiinu̶u̶xu̶u̶bu̶ ye̱jkpu̶ñ. Adaaju̶tz je̱' je̱'e̱ ju̶kxy pu̶ky mu̶dyiibu̶ u̶u̶ch nyejkypyu̶ñ u̶u̶ch je̱' je̱'e̱ ja'ay mu̶dyiibu̶ tzon tzajpjooty, je̱' ko je̱'e̱ Dios Teedy u̶u̶ch je̱'e̱ ane̱'e̱mu̶ñ tu̶ xymyo'oy ko du'un miich nmooygyu̶xu̶ch.

Du'un u̶u̶ch je̱'e̱ nDeedy tzoky ko ku̶xyu̶ pu̶njaty nimiin ku'ubu̶jkku̶xpu̶ñ je̱'e̱ Dios y'Ung y mu̶bu̶jku̶ je̱'e̱ y'ayuuk tyu̶y'ajt ajku̶xy, pyaatku̶xu̶py je̱'e̱ jugy'ajtu̶ñ wiinu̶u̶xu̶u̶bu̶; y nyajjuugypyu̶jkku̶xu̶byu̶ch je̱' ko naty tu̶ myu̶baad'ajtnu̶ mu̶naa je̱'e̱ naaxwiimbu̶ kyu̶xaan tyu̶goyaanu̶ju̶ñ.

Mu̶'it je̱'e̱ Jesús y'adzoowu̶ ajku̶xy: —Je̱'e̱ mu̶dyiibu̶ je̱'e̱ Dios chojkypyu̶ñ je̱' je̱' ko u̶u̶ch je̱'e̱ n'ayuuk ndu̶y'ajt xymyu̶bu̶jku̶ch ajku̶xy, je̱' ko je̱' u̶u̶ch ya naaxwiiñ tu̶ xykyexy.

Ku̶xyu̶ pu̶njaty u̶u̶ch je̱'e̱ Dios Teedy xyajnigue̱jxpu̶ñ, xyñimiimb xykyu'ubu̶jkku̶xpu̶ch je̱'; y je̱'e̱ mu̶dyiibu̶ u̶u̶ch xyñimiimb xykyu'ubu̶jkku̶xpu̶ñ, ka'p u̶u̶ch je̱'e̱ n'u̶xtijku̶xu̶ch.

Chi je̱'e̱ Simón Pedro y'adzooy: —Windzú̶n, ¿pu̶n u̶u̶ch je̱'e̱ y'ayuuk tyu̶y'ajt da'a mu̶baad n'okmu̶bu̶jku̶ ajku̶xy? Miich je̱'e̱ m'ayuuk mdu̶y'ajt je̱'e̱ jugy'ajtu̶ñ wiinu̶u̶xu̶u̶bu̶ ye̱jkp.

U̶u̶ch je̱' je̱'e̱ du'umbu̶ juugypyu̶ tzajkaagy mu̶dyiibu̶ tzajpjooty tu̶ chooñu̶ñ; pu̶n adaa du'umbu̶ tzajkaagy kaaybyu̶ñ, pyaadu̶py je̱'e̱ jugy'ajtu̶ñ wiinu̶u̶xu̶u̶bu̶. Je̱'e̱ tzajkaagy mu̶dyiibu̶ u̶u̶ch nye̱ge̱e̱mbyu̶ñ u̶u̶ch ngu̶'u̶mni'kx je̱', y nyé̱gu̶byu̶ch je̱' mu̶u̶d je̱'e̱ naaxwiiñjya'ay gyu̶xpu̶ ajku̶xy, neby je̱'e̱ aanu̶mu̶ ni'idzooku̶ñ mu̶baad paatku̶xyu̶ñ.

Ni pu̶n u̶u̶ch mu̶baad xykya'animíñ xykya'aku'ubú̶ky, pu̶nu̶ ka'p je̱'e̱ Dios Teedy naty du'un myu̶na'añ, je̱'e̱ mu̶dyiibu̶ u̶u̶ch ya naaxwiiñ tu̶ xykyexyu̶ñ; y je̱'e̱ mu̶dyiibu̶ u̶u̶ch xyñimiimb xykyu'ubu̶jkpu̶ñ nyajjuugypyú̶gu̶byu̶ch ko naty tu̶ myu̶baad'ajtnu̶ mu̶naa je̱'e̱ naaxwiimbu̶ kyu̶xaan tyu̶goyaanu̶ju̶ñ.

Je̱' ko je̱'e̱ tzajkaagy mu̶dyiibu̶ je̱'e̱ Dios yejkypyu̶ñ, je̱' je̱' je̱'e̱ mu̶dyiibu̶ jiiby tzajpjooty tu̶ chooñu̶ñ y mo'oy je̱'e̱ naaxwiiñjya'ay je̱'e̱ jugy'ajtu̶ñ wiinu̶u̶xu̶u̶bu̶.

U̶u̶ch du'un u̶u̶ch neby je̱'e̱ tzajkaagyu̶ñ, je̱'e̱ mu̶dyiibu̶ je̱'e̱ jugy'ajtu̶ñ wiinu̶u̶xu̶u̶bu̶ ye̱jkpu̶ñ.

Chi je̱'e̱ Jesús tzajkaagy konu̶'ky y yejky je̱'e̱ Dioskujuuyu̶p, chi je̱'e̱ dyiscípulotu̶jk tzajkaagy mooy ajku̶xy ko wan yajwa'kxku̶xy ma je̱'e̱ mayjya'ay najty y'u̶ñaaygyu̶xyu̶ñ. Nandu'un tuuñ mu̶u̶d je̱'e̱ akx, mooy je̱'e̱ ja'ay ajku̶xy du'uñdyu̶ najty tyimykyayaangu̶xyu̶ñ. Ko kyaaydyaaygyu̶xy janch ku'uxyu̶, chi je̱'e̱ Jesús dyiscípulotu̶jk nu̶maay: —Yajpu̶du̶'kku̶x yu̶'u̶ tzajkaagy kaydyuk y yu̶'u̶ akx tzu'tztúk mu̶dyiibu̶ tu̶ ñadu̶gu̶'u̶yu̶ñ, ka'pu̶ ni tii y'ayówu̶ch.

Ko najty tu̶ yo'oyquwe̱e̱kku̶xnu̶ mu̶gooxk o tudujk kilómetro, chi je̱'e̱ Jesús ijxku̶xy ñimiinu̶gu̶xyu̶ ma je̱'e̱ bárcu̶ju̶ñ yo'oyu̶p mejywingú̶xy, y chi mu̶k jyanchtzu̶gu̶u̶ygyu̶xy. Chi ñu̶maayu̶gu̶xy: —¡U̶u̶ch je̱', ka'p mdzu̶gu̶u̶ygyu̶xy!