यूहन्ना 14 Popüler Kutsal Kitap Ayetleri

Paylaş

हाऊं तमाबे शांति दिंदा, आपणी शांति तमाबे दिंदा; जेहड़ा संसार दिंदा, हाऊं तमाबे नांई दींदअ थारा मन ब्याकुल नांई होए होर नांई डरे।

यीशु तेऊबै बोलू, बात होर सत्य होर जीबन हाऊं ही साहा; बिना मेरे द्वारा कोहे बापू सेटा नांई पूजी सकतअ।

थारा मन ब्याकुल ना होए; परमेश्वरा में बुशाह डाहा होर महा पेंदे भी बुशाह डाहा।

पर साहायक मतलब पवित्र आत्मा जासु बापू मेरे ना का भेज़लअ, तेऊ तमाबे सभे गला सखाऊणी, होर जोह कुछ मांई तमाबे बोलू, तेऊ तमाबे सबे याद कराऊणा।

जासू सेटा मेरी आज्ञा साहा होर सह त्या मना साहा, मांई संघे प्रेम डाहंदा; होर जोह महा में प्रेम डाहंदा तेऊमें मेरअ बापू प्रेम डाहंदा। होर आपणे आपा तेऊ पेंदे प्रकट करनअ।

महा बापू संघे बिनती करनी, तेबा ताहबे एक होर साहायक दींणअं कि सह सदा तांई संघे रहे। मतलब सचाई री आत्मा, जासु संसार ग्रहण नांई करी सकतअ किबेकि सह तेऊ हेरदा होर ना तेऊ ज़ाणदअ; तमे तेऊ जाणा, किबेकि सह तमे संघे रहंदा, होर सह तमामें होलअ।

जोह कुछ तमे मेर ना का माँगले, सहा महा करना कि शोहरू रे साबे बापू री महिमा हो। अगर तमे महा का मेरे ना का कुछ मांगले, तेबा सह महा करना।

अगर तमे मांई संघे प्रेम डाहंदा, तेबा मेरी आज्ञा मनणी।

मेरे बापू रे घरे रहंणे री बहू जागा साहा अगर नांई हूँदी तेबा हाऊं तमाबे बोलदअ; किबेकि हाऊं तमाबे जागा त्यार करदअ नाहंदा।

होर अगर हाऊं नाहीं करे तमाबे जागा त्यार करू, तेबा भी इछी करे तमे आपणे अखे नींणे कि ज़खे महा रहंणा तखे तमे भी रहे।

थोमे तेऊबै बोलू, हे प्रभु, हामें नांई ज़ाणदे कि तूह कंदा बे चालू, तेबा बात केहडे ज़ाणनी?