ลูกา 13 Popüler Kutsal Kitap Ayetleri

Paylaş

พะเยซู​เลิด​เวา​นึง​อะไล​แบบ​ไน ‍ "กึ​ซี​เวา​อังกิ​เดอ​กับ​อัมไป ‍ ปองโต​นาก็​มูด​จอ์ะ​บอน​นาก็​พูซาง​ซี​ปกครอง​กวย​อะกี ‍ ปัน​ปองโต​นาก็​รูอม​อะเลอ ‍ ไน​เมือ​อัน​ปัน​อังกิ​ก็​ออ์น​อัมไป​ตังไจ​จับเจือ​เดอ ‍ เพือ​อัมไป​ซี​เบิน​มูด ‍ ซี​เบิน​อับ​อะเลอ​กวย​นาก็​อี​มูด ‍ ฮัก​อะไล​ซี​ตัอ​ปัน​มูด ‍

เจอ​นึง​จุม​นาก็​ตัอะ​อะกี ‍ เบิน​กวยกัน​มะนาะ​นาก็​เบิน​เบรา​ยีาง​ตาะ​กับ​อัน​จน​ตัอะ 18 ปี​เจอ ‍ เบรา​ยีาง​ตู​ไน​ตาะ​ออ์น​กลง​คอง​อะยาะ​อะกี​กง​อัอด​ตะลอด ‍ ตัอ​ปัน​เยียด​ตอ์​อะซอฮ​ตะยึง​จับเจือ​ไง ‍  บัด​พะเยซู​โฮม​อะยาะ​อะไน ‍ อัน​ก็​อะโร​ออ์น​ตัอะ​จอ์ะ​อัน ‍ เจอ​พะเยซู​ก็​เวา​นึง​อัน​ปาย ‍ "อัอย​เอย ‍ ออ์น​ไม​แว็ด​จิ​เดอ ‍ เนว​ตุฮ​เนว​นะนุฮ​นาก็​ไม​ปัน​อะไน" ‍

เวา​อังกิ​เจอ​พะเยซู​ก็​อะจุฮ​อะเต​จอ์ะ​อัน​ปรูอม ‍ เจอ​อะยาะ​อะไน​เลิด​แบ็น​ตับ ‍ ตะยึง​อะซอฮ​ตะน็าง​จับเจือ​อะเลอ ‍ เจอ​อัน​ก็​ซันเซิน​คอบคุน​พูซาง ‍

ออ์น​อัมไป​อะกัน​อะเละ​เดอ ‍ ซี​เบิน​ล็าง​นาะ​นาก็​ปัน​กวย​อังเกยะ​อังแก็ด​จะนูอ ‍ ฮัก​บัด​อัอด​ปัอะ​เตฮ​เจอ ‍ อะไล​ซี​เบิน​เกียด​อับ​อะเลอ ‍ เจอ​ซี​เบิน​แอน​ล็าง​นาะ​นาก็​ปัน​ปูด​ปัน​นีาย​อัอด​นึง​โลก​อะไน ‍ ฮัก​อัอด​ปัอะ​เตฮ​อะไล​ซี​ปัน​กวย​นาก็​อังเกยะ​อังแก็ด" ‍ อังกิ​พะเยซู​เวา​เรือง​กวย​นาก็​ซี​เบิน​อัอด​นึง​กาน​ปกครอง​คอง​พูซาง ‍

"พูซาง​เปรียบเทียบ​กือ​นะกะเจา​ดง ‍ ค็าน​นะกะเจา​ดง​ยวล​อ็าด​ปองโต​เจอ ‍ ตาะ​วิลลาะ​อัมไป​ก็​ซี​ตัอ​เบิน​มูด​นัง ‍ ตัอ​ปาย​อัมไป​ซี​โกะ​ซี​อะโร​อะเบิล​ซำ​ลาะ​ก็​ตาม ‍ แม​แต​อัมไป​ซี​แซก​นึง​อัน​ปาย ‍ 'นีาย​เอย ‍ ตัอะ​ปัฮ​ปองโต​ออ์น​มะเฮะ​นึง' "อัน​มัฮ​ก็​ซี​เวา​กับ​อัมไป​แบบ​อังกิ​ซัง ‍ 'ปัฮ​ตาะ​อันเตริว ‍ กึ​ตัอ​ด็าง​กับ​อัมไป​ไง'

อัน​ตัอ​มีน​เดอ ‍ ฮัก​ค็าน​อัมไป​ตัอ​ญอมรับ​ปาย​อัมไป​โลยฮ ‍ ค็าน​อัมไป​ตัอ​ญอม​ลับ​ตัอะ​จอ์ะ​พูซาง ‍ อัมไป​ก็​ซี​กะเจด​กือ​อะไล​อะไน​คือ​กัน" ‍ อังกิ​พะเยซู​เวา​เรือง​กวย​นาก็​กลับ​ตรายฮ​อะกี ‍

"ฮัก​อัน​ก็​นัง​ซี​ตอบ​อัมไป​แบบ​อังกิ ‍ 'กึ​ซี​เวา​กับ​อัมไป​ตะน็าง ‍ กึ​ตัอ​ด็าง​อัมไป ‍ เจอ​ตัอ​ด็าง​วีล​คอง​อัมไป ‍ ออ์น​อัมไป​ดิ​ตาฮ​กึ​กู​นาะ​เดอ ‍ อัมไป​พู​นาก็​ตาะ​มัง​เนว​โลยฮ​เนว​ไล​อะไน' ‍ อังกิ​นะกะเจา​ดง​ซี​เวา​กับ​อัมไป ‍

เจอ​พะเยซู​ก็​เวา​แอน​ปาย ‍ "นาก็​พูซาง​ซี​ตัอะ​ปกครอง​กวย​อะกี ‍ จัก​กึ​ซี​เปรียบเทียบ​กือ​อันเตริว​นอ์ ‍ อัมไป​จัง​ซี​เคาไจ ‍  อัน​อี​กือ​กลอง​บ็าด​มู​เนว ‍ นาก็​กวย​มะนาะ​เอด​อะปัอะ​ตรึฮ​นึง​ซวนครัว​คอง​อัน ‍ กลอง​อะกี​อัน​เกยะ​อะเลอ ‍ ฮัก​บัด​อัน​ดาฮ​เจอ ‍ อัน​ก็​ปูด​ซำ​แก็ล​อะลูอง ‍ เจอ​เบิน​อังกีาะ​นาก็​ปูด ‍ จม​จน​ปัน​ฮัก​ตาะ​ซะนอ์ฮ​อัอด​นึง​แก็ล​อะกี ‍ เจอ​นาก็​พูซาง​ซี​ตัอะ​ปกครอง​กวย​ก็​ปัน​แบบ​ไน​คือ​กัน ‍ อันตูน​ปัอะ​กวย​นาก็​พูซาง​ปกครอง​ก็​ซี​เบิน​อับ​เคาะ ๆ เลือย ๆ" ‍