ยอน 11 Popüler Kutsal Kitap Ayetleri

Paylaş

พะเยซู​เลิด​เวา​ปาย ‍ "กึ​ปัน​พู​นาก็​ออ์น​กวย​มอ์ยฮ ‍ เจอ​ก็​ออ์น​กวย​เบิน​ซีวิด ‍ กวย​กู​นาะ​นาก็​เจือ​อะจุฮ​มิด​จอ์ะ​กึ ‍ ตัอ​ปาย​อะไล​ซี​กะเจด​เจอ ‍ อะไล​ก็​นัง​ซี​เบิน​ซีวิด​อัอด ‍  เจอ​พู​อะลาะ​นาก็​เจือ​อะจุฮ​มิด​จอ์ะ​กึ ‍ พู​กี​ก็​ซี​ตัอ​กะเจด​นัง ‍ ไม​เจือ​นอ​นาก็​กึ​เวา​อะไน?"

พะเยซู​เลิด​เวา​ปาย ‍ "กึ​ก็​อะตัอง​ไม​เจอ​เด​ปาย ‍ ค็าน​ไม​เจือ​นึง​กึ ‍ ไม​ซี​เบิน​โฮม​ซะงาราซี​โฮม​อำนาด​คอง​พูซาง" ‍

เจอ​พะเยซู​ก็​เญียม ‍

ซัง​อังกิ​พะเยซู​บัด​เวา​นึง​ลูกซิด​คอง​อัน​ปาย ‍ "นาก็​ลาซารัด​โจ​อะไน ‍ ตัอ​มีน​ดัก​เพือ​ซี​ออ์น​อัน​กะเจด ‍ ฮัก​เพือ​พูซาง​ซี​เบิน​ซำแดง​อำนาด​คอง​อัน​ออ์น​กวย​โฮม ‍ เจอ​ก็​เพือ​กึ​พู​นาก็​ปัน​กอน​คอง​พูซาง​ก็​ซี​เบิน​เกียด​นำ​เต" ‍

บัด​อัน​เวา​อังกิ​เจอ ‍ พะเยซู​ก็​อะโร​ซะเนียง​อะเบิล​อะเลอ​เวา​ปาย ‍ "ลาซารัด​เอย ‍ ลอฮ​ตัอะ​เดอ" ‍  เจอ​ลาซารัด​นาก็​กะเจด​อะกี​ก็​ลอฮ​ตัอะ ‍ อะรายะ​นาก็​เกียน​ซบ​คอง​อัน​อะดอะ ‍ ก็​นัง​อัอด​นึง​อะเต​นึง​อะเยิง​คอง​อัน​อัอด ‍ เจอ​นึง​มินมุฮ​ก็​นัง​เบิน​อะรายะ​กวม​อัอด ‍ พะเยซู​เลิด​เวา​ปาย ‍ "แลฮ​อะลอฮ​เดอ ‍ อะรายะ​นาก็​เกียน​อัน​อะไน ‍ เพือ​อัน​ซี​ปัอะ​ซำบาย"

พะเยซู​อุก​นึง​มิด​แอน​มู​ตูอ​แอน ‍ เจอ​อัน​ก็​ปัอะ​ตัอะ​ทำ​บอน​นาก็​อะไล​อะดอะ​ซบ​คอง​ลาซารัด​อะกี ‍ ทำ​อะกี​อะไล​เอด​โงล​ตะเมา​ปูด​อ็าด​อะดอะ ‍

เวา​อังกิ​เจอ​พะเยซู​ก็​เวา​แอน​ปาย ‍ "ลาซารัด​มู​คอง​ไฮ​อะกี ‍ อัน​ก็​บายะ​ละแงด​เจอ ‍ ฮัก​กึ​ซี​ปัอะ​อะมีายฮ​อัน" ‍