NINGPAWT NINGHPANG 8 Popüler Kutsal Kitap Ayetleri

Paylaş

Dai hkungga a manam pyaw ai sangau gaw dai MADU hpe awng sharawng shangun nga ai rai nna dai MADU gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai. Ginding aga grin nga dingsa, nli gat ai aten hte shu la ai aten, anga nga na ra ai. Bai kashung ai hte kahtet ai, nlum ta hte nshung ta, shani hte shana mung tut nawng agrin nga na ra ai,” nga nna shi a kraw e tsun nga ai.

Noa gaw dai MADU a matu tawn hkungri galaw nhtawm, san seng ai yam nga hte ntsa malen u amyu shagu hte hpe la nna tawn hkungri ntsa e, hkum dingnawng wan nat hkungga nawng jau wu ai.

Karai Kasang gaw Noa hte shi hte rau sanghpaw li hta rawng nga ai yam nga ni yawng hpe malap kau wu ai n rai; shi gaw nbung wa shangun dat ai rai nna, dai hka gaw yawm hpang wa nga ai.

Dai u gaw tsanlun lap katsing hpe di makrang nna shana de maga, shi kaw bai nhtang wa wu ai. Dai rai nna hka yawm mat sai hpe Noa chye wu ai.