Ipakilya 39 Popüler Kutsal Kitap Ayetleri

Paylaş

N’alwaṉi Yeôva ni Yôsèf, n’isam̃u y’agèndi mbyambye na yè; n’alwaṉagi yè gô nagô ya reri yè, mwô’Egipt.

N’arigi yè ezom̃y’edu z’avegagi na yè gw’ago mi Yôsèf, n’ayè e re tô pegege n’isolo gô pône yom̃a yèṉè kaô dadyè inya s’anyenyô yè. Ndô Yôsèf avegag’eranga ni mèpe jeṉô.

N’ôvenjavenji wi nagô yi ntyôgô aveṉ’ikôte yôdu y’avegagi gô nagô yi ntyôgô gôre Yôsèf, wi pa dend’ezom̃a vovo kaô vo yè.

N’agôti yè Yôsèf, awelè gô ntyôgô, gô mbôra y’avegag’ikôte y’ôga nunjô pa. N’alwaṉi yè vovo gô ntyôgô. N’alwaṉi Yeôva ni Yôsèf, n’arum̃inyi yè nkèngo gôre yè. N’aveṉi yè imèpiṉô gw’antyo m’ôvenjavenji wi nagô yi ntyôgô.

N’arweṉi isam̃u yiṉo vya, ômwantô wa reri yè arômbiṉ’antyo mè gôre Yôsèf, awulya inè: Lèwa na myè! N’aṽiki yè, awuliny’ômwantô wa reri yè inè: Vôna, reri yam̃ amye yom̃a yi re na myè gô nagô, n’ezom̃y’edu zi re na yè are pa pa zô gw’ago mam̃. E zel’ôma wi r’ômpôlô gô nagô yiṉo vyagaṉô na myè, e zele simbya pa kè ezom̃a gôre myè kaô awè, konde awè ômwantu wè. Ntiṉa nde yi re myè ko denda kè mbe mpôlô yiṉo ko myè fwem̃a gôr’Anyambyè?

Ntyugu mori gw’ayingiṉi yè gô nagô gô janj’eṽilô zè, e re pegege vovo kè ôma gôre mongi wi nagô. N’agôtyô yè n’ômwantô gô ngoy yè, awulya inè: Lèwa na myè! N’alèkizi yè ngoy yè g’ôgo w’ômwantô, awanga gw’igala.