Keriekitho 1 Popüler Kutsal Kitap Ayetleri

Paylaş

Siro Ukepenuopfüe, “Úko u rhi nunu themia chülie khe; u kemhie di, sidi uko bu dzükezha nu khuoko, teirako, perinuoko mu khunuo kekreiko, tsiu kijüu gei gou ketuo khe kekhase balietuo.” Sidi Ukepenuopfüe puo thuo puo rhi nunu themia chüshü, Ukepenuopfü rhi nunu puoe themia chüshü; puoe thepfu mu thenu chüshü.

Kepenuopfüe japie süko tsü di, “Nie si vülie mu kruolie, di kijüu ketshu chülie, di süu penyülie, tsiu dzükezha nu khuoko, teirako mho, mu kijüu gei mele ketuo kheko mho tuolie,” sishü.

Sietsenu Ukepenuopfüe tei mu kijüu chüshü.

Kijüu methuo mu puorhi jü, siro kezei thuo kesouko zepfü ba, mu Ukepenuopfü Ruopfüue dzü süko mhogei mele tuo.

Süki Ukepenuopfüe, “Zielie” sishü, sitse zie parta.

Siro Ukepenuopfüe puo mhatho chükelieko pete mehoshü, ru harie, süko vithor zo. Sünu thevatie mu khise ba, zha soroute.

Sitse Ukepenuopfü kezieu vicü ngulie; süsie Ukepenuopfüe kezieu mu kezeiu kho kekreiwa.

Siro Ukepenuopfüe “Harie, kijüu zie gei ketuo khe, ae puotsia kepfü ga pete, seibo puosi chü di puotsia khashüyakezha pete pie nie tsüwate ho, süsü pie nie ca chüshüwate.

Siro Ukepenuopfüe kezie pie “Teiso” üdi kielie mu kezeiu pie “Teizei” üdi kielie. Sünu thevatie mu khise ba, zha puote.

Siro Ukepenuopfüe, “Dzüko donu teimeluo bu balie; süu bu dzüko pfükho kekreise balie,” ishü ru silie.

Kijüu gei ha tsiu mele ketuo nhachüko, teirako mu gou tuoyakezha khunuoko bu nha kepejoko pie u ca chütuoü ae khashüwate,” sishü ru silie.

Siro Ukepenuopfüe, “Kezieko bu teigei zhalie, süko bu zasiko chü di teiso mu teizei chü kekreishü mu puoteila kekreikecüko, teisozhako mu teicieko teigei nu thashülie

Süsie Ukepenuopfüe, “Kijüu gei nha, puotsia kepfü gako, mu puosi kepfü nhasiboko bu puo thuo puorhi kheki chü di lhou parlie,” ishü ru silie.

Sidi Ukepenuopfüe tei chüshü, mu süu bu puomho rei puokhro rei dzü kebako pfükho kekreiwa.

Sütuoi kijüue nha, puo thuo puotsia kepfü gako, siro puo thuo puosi vüshüyakezha puotsia kepfü seiboko bu lhou parlie, mu Ukepenuopfü mha süko vicü ngulie.

Hamhie di Ukepenuopfüe kezie kezha kenie chüshü, niaki bu khinhie mho mu khrüu bu theva mho dinu di; mu puo themvüko rei chüshü.

Siro Ukepenuopfüe, “Tei khro dzüko bu vo thechü puo nu kengulie, mu kijü keso bu parlie,” ishü ru silie. Sitse Ukepenuopfüe kijü keso-u üse, Kijü mu dzü kengukelieko üse Dzükezha üdi kielie. Tsiu Ukepenuopfüe mha süko vicü ngulie.

Sitse Ukepenuopfüe japie uko tsü di sie, “Nie si vülie mu kruolie; sidi dzükezhako nu dzüko ketshu chülie, mu kijü gei perako bu rei kruolie,” sishü.

Siro Ukepenuopfüe “Kijüu bu khunuo kekreikreicüko, perinuoko, tsiu gou ketuo khunuo mu nhachüko pete, u thuo u rhi kheki sü chü di pelhoushülie,” ishü ru silie.

Siro Ukepenuopfüe, “Rhei ketuo khunuo kekra bu dzüko ketshu chülie, mu perako bu kijü mhogei ketshu chü pruo tuolie.”

Sidi Ukepenuopfüe puo thuo nhachüko, perinuoko mu gou ketuo khunuoko pete u thuo u rhi kheki sü chü di chüshü. Mu Ukepenuopfüe süko vicü ngulie.