Maakö 1 Popüler Kutsal Kitap Ayetleri

Paylaş

'Zɔkpɔ 'pii 'mö, zlɩ 'nɩɛ ‑bhlɛ sasɛ zɩ, 'n Zezwii yiɛ gɔlɔ, dɛ ‑bhlʋ dɛɛ ‑bɛ 'nɩɛ ‑wʋ, 'n ɔ yiɛ ‑lɛ mö 'n ɔ yiɛ Lagɔ bhibhe.

Ɔ lɛ: «'Tɛnyɩ Lagɔ gaa a‑a, mɛɛ dɛ'ɛ. 'Pɩwʋ mää Lagɔ 'kämanɩɛ yɛ 'dio. Zaa, a nɩ ligba a 'kä 'a ‑lizokuu kɛ 'mö sɛ. A nɩ nglu Lagɔ 'a 'Mänatɩtɩɩ 'wʋ.»

Ɔ wɔlɔɔɔ 'wlu 'wëë, Zezwii ‑wʋ ‑mä 'nyu 'mö 'wlʋ dɔ'wʋ, ɔ lɛ zʋ a sɛ'ɛ cuu, zlɩ yɛ nuë do, 'n Lagɔ 'a 'Wugɔmʋʋ yiɛ sɛ 'sibhë, Zezwii yiloo 'wʋ, ɔ 'kä ‑bhɩɛ ‑kpakʋ, 'n ɔ yoo ‑gömö yi. ‑Mä zlɩ 'mö, 'n wɛlɩ yiɛ ‑mä 'bhöönɩ, yɩ lɛ naa: «‑Nmö glɩnɩɛ 'na dlɩsɛkäyuu, ‑nmö ‑bhööä 'mäna 'wʋ.»

‑Amö na a, 'nyu 'mö n wɔlʋnanyɩɛ 'wlu, ‑maa ɔbhlɩ, ɔ ‑kä yii, 'Wugɔmʋʋ 'Wlɩlɩ 'mö ɔ 'kanyɩɛ 'wlu wɔlʋnɩ.»

'N ɔ yuëë wäzɩ. Ɔ lɛ: «A nɩ yi, a ‑kaa ‑gänɩ. Sɛ a sɛɛ ‑mä 'nyu 'mö zïbhïï, n 'kanyɩ ‑sɩbhä nɩkpa a sɛtɩlɩwa 'wʋ 'zʋa.» Ɔ 'nyʋää sa'a 'dɩ cuu, 'n wa yiɛ 'wa ‑dɛdɩɩ ‑lɛ tɩ, 'n wa yoo 'bɩwʋ bhlinɩ.

Sɛɛ Gböö a 'cɩawaa 'cʋä a‑a 'kwädlɩ, ‑sɩbhä ɔ 'nuëë 'cɩa, ‑maa gbëaa 'mö ɔ 'cɩanuëë. Nɩkpɛ a ‑mɔ Lagɔ ‑wʋ ‑gömö a sɛ, zaa wa zuzuu mʋʋ möä.