Matie 27 Popüler Kutsal Kitap Ayetleri

Paylaş

‑Maa ‑kidogïle ta 'mö a sɛ, 'n Zezwii yiɛ tenyii 'mö 'kpa, ɔ lɛ: «Eli, Eli, lɛma sabatani?» Mɩɩ sɛɛ zɛmö nɩɩ: «‑Atʋ Lagɔ, ‑Atʋ Lagɔ, 'saa bhä n‑n ‑yii 'wʋ ylɛ?»

‑Maa Lagɔbudu 'Kɔdʋʋ a 'kïbhëa ‑a ‑wʋä tenyii 'wlɩlɩɩ, ghlidoo 'kɔdʋʋ ‑bhlʋ muu zizaa ‑mä 'wʋ. Zezwii bhliɛ nyɛmʋ cuu, ghlidoo 'la, 'n wʋ yiɛ jijo'wʋ 'mö ghlɔnɩ ‑bioo, tɛɛnɩ ‑mä ghäyɩ 'wʋ ‑këë mä'ä zɛmö. 'N dʋdʋʋ yiɛ tɩtlɛnɩ, 'n kpayaa yiɛ 'mö ghɔlɔ, 'n lesikpï yiɛ nuë do. Bhla'mö a Lagɔnɩkpa a ‑bɛ ‑wa 'ku a‑a 'n wa yiɛ gɔlɔ

'N Zezwii yi'ɛɛ tenyii 'mö 'kpa 'n 'ɔ nyɛmʋʋ yiɛ bhɩɛ.

'Slʋjaa ‑wa ‑kʋ a‑a Zezwii, wa ‑nyɛ 'wa 'kifii 'sɔ, wa 'yɩɛ dʋdʋʋ ‑wʋ tɩtlɛnɩɛ ‑nyɛ 'saa 'plɩɛ 'wʋ 'sɔ 'ylɩmöö, 'n nganɔ yuëë köbhä tenyii, wa lɛ naa: «Nɩkpɛ nɩ, Lagɔ 'a Yuu 'mö ɔ glɩnɩ a‑a ‑tiamö.»

'Ylʋ ‑wʋ 'du 'mö, 'n 'yuylukwëa yiɛ bhlɩɩ 'wuë ‑gömö yi. A ‑sɛ 'gïle ta.

Pilaatɩ lɛ naa: «N kɩ 'nʋ, ‑maa Zezwii wa laa Kliisɩ, sɛ a gbä bhä, sɛ n nɩ 'zo 'nɩ?» Wa 'wuë wa lɛ naa: «Wa nɩ kʋnɔɔ su 'klʋ aa!» 'N ɔ yuëë nimï 'yɩbhä nɩɩ: «‑Lizoku ‑mi ɔ nʋ bhä 'nɩ?» 'N wa yi'ɛɛ tenyii 'mö 'kpa, wa lɛ: «Wa nɩ kʋnɔɔ su 'klʋ aa!»