Matie 25 Popüler Kutsal Kitap Ayetleri

Paylaş

'N ɔ 'kää nɩɩ: ‑Tiamö n nyanyɩɛ dɛ'ɛ 'dɩ: Nɩkpɛ a ‑mɔ nɩkpa ‑tɔnɩɛ a‑a ‑ɔɔ dɛsɛ ‑kä 'lɩlɩlɩɩ, ‑zlɩ a nɔ a‑a ‑li a ‑li 'la 'wluu, na ‑daayu ɔ glɩnɩɛ zaa, ‑amö a nwi a‑a 'wlu.

Ɔ 'bhidɩbaa lɛ naa: 'Ɔ! ‑Ayo ‑këë! ‑N yɛ sasɛ 'na libhoo nʋ, libhonʋnyɔ a ‑nɔ a ‑nɔ ‑n glɩnɩɛ. ‑Li 'tikïyiea n nyɩamöä yowʋʋ, sasɛ ‑n 'zʋniɛ 'yli. Yɩ 'nglɩ 'mö, tɛɛnɩ zɩ'ɛ dɛ'ɛ, ‑li a ‑mii kää dɛsɛɛ, 'mö n ‑kamöä 'yli 'zʋ. Zaa, yi ‑a 'kä 'gämö 'mäna nʋnɩ.

Ɛ'ɛ ‑bhö nyɩasɛ, ‑maa ‑ɔ kää ‑bɛ, 'mö wa nyɛɛ 'n ɔ ‑nɩɩ zumanɩɛ tenyii. ‑Ɔ kää 'tikïyiee, 'ɔ 'saa ɔ kää, 'mö wa sɔɔ kä'mö.

‑Sɩbhä a za n nyanyɩɛ 'dɩ nɩɩ, a nɩ ‑gïganɩ 'wlu a 'kä ‑lɛ glɩ, ‑maa 'tɛnyɩɩ a ‑lowli 'kää 'mö yii, a 'nɛɛ ‑yi.

Nyɩasɛ n'n‑ä n 'kanya 'nyɛ, ‑maa ‑zlɩ ngɔmʋ lɩbhaa a‑a, abhʋa nyɩaa a‑a lile, ‑zlɩ 'nyutʋ lɩbhaa a‑a, abhʋa nyɩaa a‑a 'nyu, ‑zlɩ n yi a‑a lowlu 'möö, abhʋa pälaa a‑a.

Ɔ lɛ naa: 'Ɔ! ‑Ayo ‑këë! ‑N yɛ sasɛ 'na libhoo nʋ, libhonʋnyɔ a ‑nɔ a ‑nɔ ‑n glɩnɩɛ. ‑Li 'tikïyiea n nyɩamöä yowʋʋ, sasɛ ‑n 'zʋniɛ 'yli. Yɩ 'nglɩ 'mö tɛɛnɩ zɩ'ɛ dɛ'ɛ, ‑li a ‑mii kää dɛsɛɛ, 'mö n ‑kamöä 'yli 'zʋ. Zaa, yi ‑a 'kä 'gämö 'mäna nʋnɩ.

‑Zlɩ n'n a‑a 'wualu ‑kä, abhʋaa nyɩaa a‑a 'wuali, ‑zlɩ n'n a‑a ‑yɛ, abhʋaa ‑wʋʋ a‑a 'yli, ‑zlɩ n ‑wʋ a‑a ‑jie 'möö, abhʋaa mööö a‑a 'ylɩmöä.