Lukàrzɛ̀ 23 Popüler Kutsal Kitap Ayetleri

Paylaş

Yerzù à mà kànɛ̀ nanù ema, “Tatɛ̀ làkìrzɛ̀ hwanù hwatò, èhwanja hwa rzà hwi mamɛ ema hwa gbeyà.” Hwa mà òka mèrzɔ̀ɔ̀nì ò lì hwàà lìwɔti la eni.

Yerzù, rzìi a tìmbirzɛlɛlɛ nanù ema, “Nà ò òhweyà è jɔ̀kɛ̀ ema, yàwònò ò hwɛ nà ìmba ò pàlàdìrzì.”

Aŋgà ndi àyeŋgòwɛ̀lɛ̀lɛ̀ Yerzù, rzìi a mò òhweyà nanù ema, “Ìi Yerzù, ò rzì nò hvòŋgà ò ma uka tɛ ò lìkànèyà lì aŋgɔ̀.”

O lìnì lìrzàkò ndi Yerzù a mà tɛ mòrzeya nanù ema, “Ìi Tatà nà hwàkɛ èlìŋgɛ̀ ya amì ò màà mà aŋgɔ̀!” Ène mbɔrzi ndi à mà òhwe rzìi a rzìyòwa mùùlù mò eni mò lìrzùkù.

È hvònda ema hwa mà uke, ò èki ema è hwɛ̀lɛ̀hwɛ̀ Èkeke yà Mèyòhvò, rzìi hwa wòmeyà Yerzù ò mbarzà nà hwaŋga hwatò hwa wòhwe hwahwàkɛ. Mɔ̀kɔ ò lìya là eni là mòmɛ, ɔ̀nɛ̀yi hvɛ ò lìya là ŋmàlì.

Kɔ̀rzì ya ŋmèrze e mà ùke, rzìi jììtìtì ì lìŋgà èki ya àrzɛ natɛ̀ɛ nà ŋgɛ̀ŋgi iyàwò ja ŋmèrze. Lìhwàtù ema lì ma kahwa e Ndawò yà Lohwà lì mà nyàhweyà hwèhvàrzù hwèhwàkɛ̀.

È mòtìmbèlì wà hwàànèlì hwa njùma, à mà ɛ̀nɛ mamɛ ya àrzɛ ema e ma gbèyɛ̀nɛ̀, à mà eka Lohwɛ̀ rzìi a òhwa nanù ema, “Ò jɔ̀kɛ̀, ò nò mòtò à mà hwɛ ndi mòtò wà gbamù.”