Juwawu 14 Popüler Kutsal Kitap Ayetleri

Paylaş

<<Dadowaga, nnouhiyedani murendele. Miyo nnouvahani murendele waga. Eto murendele unauvahani miyo kahi murendele nnga uli mwilamboni ya vati. Nona mmirimani mwenyu kamukukumuwe, nne kamukayena ova.

Evale Yesu ohowakula eraga: <<Miyo dili Ndila, dili Ibaribari, dili Ingumi. Kalivo mutu unafuna vira dowa wa Baba ahavirile mwa miyo.>>

Yesu ohowonga na anamamuharaye eraga: <<Kamukukumuwe mmirimani mwenyu. Mmuroromele Mulugu eto mudiroromele miyo.

Mbwenye davenyavo, Baba unomuruma Nkamihedi mwa nzina naga, wenno unafwanyeya agali Munemba Otchena. Liye aza unerege ufundjihani jatene eto unerege uwumbutchedani zela jatene juwandenleni miyo.

<<Ule unawatchela malamulo aga, amala airagana, gwenno unadiziveliwa miyo. Eto ule unadiziveliwa miyo, gwenno Baba unafuna liye muziveliwa. Na miyene nnomuziveliwa eto nnovioneyiha vamentoni vaye.>>

<<Miyo nnonvepa Baba ira auvaheni Nkamihedi mmohiwa, wenno unafuna kalaga na nyo kala no kala. Nkamihediwa unafuna Baba uvahani gu Munemba Otchena oafundjiha atu ibaribari. Mbwenye atu a mwilamboni kinawanda mutambilra Munemba Otchena mwasiwa kinamuona nne kimuiziwile. Nyo mbwenye muhumuiziwa, mwasiwa uli na nyo eto vasogolro unakalege mmirimani mwenyu.

Dadowa wa Baba, jatene jinafunege nyo vepa na nzina naga, miyo nnerege irana ira undimuwa wa Baba uoneye mwa miyo Mwanaye. Yengo ili yatene inavepege nyo na nzina naga, miyo nnerege irana.

<<Mwadiziveliwa miyo, munerege harihamo malamulo aga.

Ineriha nyumba ya Babaga mukala mamburo madjindji. Wahakala mamburo madjindji, miyo dogouwandelani. Miyo nnadowa ira dausambaulreleni malro.

Miyo dadowa, damala usambaulrelani malro, nnowela akoka, dize dutukuleni ira unafunege miyo kala, na nyenne mudowe mwakalege vamohi na miyo wewo.>>

Evale Tome ohowakulaga eraga: <<Nabwiya hiyo kaniiziwile unaya nyo. Hiyo nnaiziwa ndiliwa avi, agali unaya nyo kaniiziwo?>>