NAANA 17 Popüler Kutsal Kitap Ayetleri

Paylaş

Kɛ̀ Abramu kà wɛ̃̀ basↄↄro dosai, Dii bↄ̀ à mↄ̀zi à bè: Luda Gbãabitaden ma ũ. Ǹ táa omao ǹgↄ̃ kuu taari sai.

Weégae bennɛ Abramu dↄro, sé Ibraĩ, zaakɛ mɛ́ n kɛ bori pariinↄ dezi ũ.

Ma bà égↄ̃ kúnyo kↄ̃n n boriinↄ ai gurↄ píngi. Mɛ́gↄ̃ dɛ n Luda ũ kↄ̃n n boriinↄ n gbɛra.

Lán ma bà kúnyo nà, nɛ́ gↄ̃ bori pariinↄ dezi ũ.

Luda bè: Yãpura n naↄ̃ Sara é nɛ́ i gↄ̃gbɛ̃ ũ, nɛ́ tↄ́ kpánɛ Isaaku. Ma bà égↄ̃ kúo kↄ̃n à boriinↄ ai gurↄ píngi.

Mɛ́ Kanaa bùsu kɛ̀ ń kú à guu nibↄ ũ kpámma píngi kↄ̃n n boriinↄ n gbɛra, lɛ aↄ̃gↄ̃ vĩ gurↄ píngi, mɛ́gↄ̃ dɛ ń Luda ũ.

Ben Ibraĩ dàɛ a puua Luda aɛ à yáa dↄ̀ à bè a nↄ̀sɛ guu: Gbɛ̃ kɛ̀ kà wɛ̃̀ basↄↄroo é nɛ́ iↄ́? Lán Sara kà wɛ̃̀ basiigↄ̃ akuri nà, eé nɛ́ iↄ́?

Ben Luda ɛ̀ara à bè Ibraĩnɛ: Ǹton be n naↄ̃nɛ Sarai dↄro, ǹgae benɛ Sara sa.

À bã̀ngu kɛ ma bà kuunaao sèeda ũ.

Baa kↄ̃n beeeo ma bà kuunanyo é gↄ̃ Isaakuamɛ. Zii mↄndaa'i Sara é à i.

Séde n bori nɛ́gↄ̃gbɛ̃nↄ bã̀ngu kɛ ń gurↄ sↄraagↄ̃dee zĩ ai ń boriia, nɛ́ kɛ̀ wà ń í n bɛɛnↄ kↄ̃n zↄ̀ kɛ̀ wà ń lú bori pãndenↄanↄ ń píngi. Wà à ì n bɛn yoo kesↄ̃ wà lù zↄ̀ ũn yoo, sé à bã̀ngu kɛ. Beee égↄ̃ dɛ ma bà kuunaao gurↄ píngi sèeda ũ a mɛ̀a.