Mateo 13 Popüler Kutsal Kitap Ayetleri

Paylaş

Pɔ eyii nɛ gɛ adɔ kesukpa dzyɔgo nɛa bha, alɛ nu anɔ gɛ enu kibui klɛ enu kɛlɛe si. Klɛ kibui nɛ ba yu eyuyu gelee nɛ kɛfɔɛfɔm, nɛ ɛzakɔ afɛtehlo, afata mɛ ɔyɛkɔ dɛ eyi nɛ gɛ ba ɖa.”

Eyii nɛ gɛ adɔ ewi mɛ alɛ nu anɔ gɛ enu kibui, pɔ ɛkpã nɛ mɛ butɔ nɛ kɛnɔmɛdɔ anɔwuwɔɛ eshe ada yɛ so kibui nɛ dɛ yu eyuyu nɛ yɛ mɛ.

Kibe lɛ gɛ anɔ teli enu bukusiɔŋakɔ kibui pɛ edi nu klɛe si, ɔfufɔɛkpã nɛ ɔbɔ ba ɔbɔ bhɛ kɛ gɛ ba tɛ ɖa kpɛ idzyi nɛ mɛ nɛ obu. Kɛlɛ nu eyii nɛ gɛ awɔlɛ adɔ kidzo nɛ shu.

Eyii nɛ gɛ adɔ aklãgbu nɛ mɛ alɛ nu anɔ nɛ gɛ enu kibui klɛ ayɛkɛ lɛ nɛ same. Pɔ gɛ kibui nɛ dɛ kpɛ igu nɛ yɛ mɛ so adɛ nyɛna kibui nɛm dzroɖoɖo. So onu gɛ bunuhu ɔdɔgɔsɛ tɛkpɛkpatɔnɔ tili nya ba nɛ kibui nɛ shu ko awɔlɛ ekoeyi.

“Owũsise bukusiɔŋakɔ nɛ odzi ansɛ kɛkesrɔdɔ tili gɛ bekpu nɛ ayakpam. Gɛ anɔ teli emunɔɛ lɛ, etsodzini kɛlɛ ekpu, klɛ nɛ yɛ same mumɔ mɛ nɛ ada yɛkɔ kɛdɔnyɛdɔ gɛ lɛ yahwɛ nɛ adɛ klɛ avɛ ede dzi kesukpɛa lɛlɛ.

Kana ke eyii nɛ teli adɔ kesukpa dzyɔgoa bha, gɛ akɔ sɛ le yu, nɛ kɛfɔɛfɔmɛ, anɛ afɛtehlomɛ, anɛ afata mɛ ɔyɛkɔ dɛ agɛ ba ɖa.

Nɔ kɔ kɛlɛ nɛ tɛwa nɛ petee she ketsu ɔdɔ na nɔ alɛ ɔpɔkɔ. Nɛ kibe lɛ mɛ ɛba tsre baxwɛwa nɛ sɛ: Putɔnɔ no xogo tɛwa tɛ nɔ nya kɛlɛ kɔ tɛ pupɔɛ, klɛ tɛ no xogo amɔ nɛ tsyɛ ɔyɛkɔ bɔ kpɛ mɛ owule nɛ mɛ.’ ”