मत्ती 7 Popüler Kutsal Kitap Ayetleri

Paylaş

“बिनी मा गानी ल्‍वानी, माल्‍नी मा गानी डार्नी, नेमगोनो हुमु लागि हेलाबेनी, मा इनीमा लागि लाम्‍चोको होल्‍सी।

हेङालोने उहेमका बियु़, मेरामका ल्‍वासु़। उहेमका मालु़, मेरामका डारु़। उहेमका नेमगोनो हुमु लागि हेला बु़, मेरामकाम लागि लाम्‍चोको होल्‍सी।

“मेम्मिमका उहेम मु़चु़का आमा सिजेम थो़सु़, मा मेराम होम्‍साका खारी बु़, मेराम मु़चु़ मेदोपा लुङडला नेम बनेबेपा नेप्‍चीनुङमा मु़चु़ होप्‍मामङा सो़।

वाङमिमका गानीलाई हेप्‍माम बोमिमिम द्‌वानी, गानी वो मेर्मिमनुङ मेमङा बेनी। मोशाकु डु़म्‍ला नुङ माम्‍चु़नीलाम-जेपामिमकु खोत्‍ले सीसि ओरामङा सो़।

लावो त्‍वारो़म ल्‍वामु लाम्‍दिपा लाम्‍दी लाम्‍दिमु मेझापा बु, मा मेगोनो हुखोप लाम्‍चोको कतिभापा बु। ओराम लाम्‍दी डार्पा मु़चु़मिम ने किकि कोङङा बुमी।

“कोतिभापा लाम्‍चोकोलाम माम्‍चु़नीकु किब्‍दीगोनो हुनी। पुयु़ लुक्‍पा खोमडा रेथिक्‍पा लाम्‍दी भापा दु़म, मा लाम्‍चोको डोक्‍पु बु, मा मेरामलामका हुपा मु़चु़मिम हापा बुमी।

गानी छु़लचो़ बुनिमा वो इनी चो़मिमलाई जो़पा-जो़पा ल्‍वामिम ग्‍वामु थेनी। मेरामडाम वो पाह्रीलाम माम्‍चु़नी इनी पापका गुमीनुङ बिपा मु़चु़मिमलाई हाङको हापा जो़पा ल्‍वामिम ग्‍वामी।

“वाङमिमकु निया मेबेनी, मा माम्‍चु़नीका इनीमा वो निया मेबोमी। हेङालोने वाङमिमलाई गानी हे बोनी, गानी वो मेमङा बेला सो़न्‍सिनी। वाङमिमकु निया बोनिलो बाम थो़मसङ मोनी, मेराम थो़मसङकाङा इनीमा वो निया दु़म।

लावो उहेम मु़चु़का आमा सिजेम थो़सु़, मा मेराम होम्‍साका मेबु़, मेराम मु़चु़ सेक्रेडला नेम बनेबेपा नेप्‍ची मान्‍थिम मु़चु़ होप्‍मामङा सो़।

“गानी इनी वा-ल्‍वाककु मिक्‍सीडा गन्‍पा कति कल्‍पा फुर्कु ल्‍वानी, लावो इनी त्‍वाकु मिक्‍सीडा कार्तासिट्‌पा डोक्‍पु सङ ने हेङा मेल्‍वानी? गानी इनी मिक्‍सीडा कार्तासिट्‌पा डोक्‍पु सङ ने मेल्‍वानी माला हेसाका इनी त्‍वाकु वा-ल्‍वाकलाई, ‘छारी, इमा मिक्‍सीडा गन्‍पा फुर्कु गो पार्सानी’ र्‍वानी मा?

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो! मेर्मिमलाई गानी उनी खारीलामकाङा छेनी। चु़कु धक्‍साडा अङ्‍गूर मेसिडु़, मा दोचु़कु धक्‍साडा बैससी मेसिडु़।

मेम्‍साका जो़पा धक्‍साडा जो़पा मा सिडु़, मेजो़पा धक्‍साडा मेजो़पा मा सिडु़।

जो़पा धक्‍साडा मेजो़पा मा मेसिडु़, मेजो़पा धक्‍साडा जो़पा मा मेसिडु़।

मेम्‍मिमका जो़पा मा मेसिट्‌पा खोत्‍ले धक्‍सा रु़प्‍मी, मा मुगोडा घ्रोमी।