Luka 23 Popüler Kutsal Kitap Ayetleri

Paylaş

[Neke baho umwene Jesu neke atigilage: uvavodzage, ve dâda, ndivwene vasīvwene lwe vakululima.] Neke baho vasolanilage ulwa kugavanila imyênda gyakwe.

Neke umwene atigilage: ndakyene unene ndikukulongela nditigila: neṅuli twivedza pamwinga mumugunda Edene.

Neke atigilage: ve Jesu, uṅumbukage, pe vwingye muvutwa vwako. Mat. 16, 28.

Neke baho Jesu akûtage ilidzwi ilivina neke atigilage: ve dâda, umubepo gwangu ndikuguvîka mumavoko gako. Neke lino, avye alulongile ulu, neke baho gudumukage.

Neke lino, vavye vadzifike baho, pe vitigila pe paluṅala, neke baho vavatovelelage pafipindu-lihidzo fyanavo na jujo navahosi, ujungi neke vamutovelelage kwivoko ilya ndyo, ujungi ku lya ṅigi.

Neke jafikile isala ja mutanda, neke baho ikîsi kigwidzage ińi jonda neke kifikage pasala ja igôndza. Na li lidzuva neke nalyo litilivalage, na li libupa lya kyânga kya tembele neke nalyo lidemukage pagatinapagati.

Neke umwene umuńa-kipuga, avye adzivwene idzi, neke baho alumbage kwa Nguluvi atigilage: ndakyene umunu uju aka mugolofu.