Matyê 5 Popüler Kutsal Kitap Ayetleri

Paylaş

Káa pə póu mə́ cûʼ yé lâm, ə́ ndâghʼ ngwǒŋ ńkə́ptə́. Pə́ cûʼ lâm, ə́ ntâghʼ pə́ ndəu ləʼtə zěi, a kêʼ pye pə́tsəm pi ə́ pə́ ndə̂. Ə́ kə́ mbə́ lə́ pei ə́ mbə́ pə́ yə́rə́, nkeʼ yi ə pə́ lə́ pei ghwo lə̂ nkêʼ pye pə́tsəm. Ə̂ lêi yə́rə́, gháp jwó məno shʉʼʉ yi pei pə̌ ńgʉ̌, ə́ ngúʼtə́ Tə́ wei yi a wə́ tʉ̌-lə́pû.»

«Pei lə̂ pə̌ nkeʼ cər nzʉ̂. Pə́ lə̌i nkə́r túsoŋ ndəu ləkôr, ə́ lwo yé po.

pəndʉʉ-mboŋ ə̂ pye pi kâa có kwaŋtə tə́poŋ pə̂ yé məntə̂ʉ páp, ńté no gháp táa jwó Sê!

Pəndʉʉ-mboŋ ə̂ pye pi gháp fú mə́ ntsâa lə̂ ngʉ́ zə̂u yi Sê pə̌ nkǒŋ zěi, ńté no Sê wo ghʉ̌ gháp ghʉ́ zə̂u yi gháp tsáa lêi!

Lə́, məŋ ndâʼ lə́ pei ngô: Pei kôŋ pəghaŋə mbəu péi. [Pei sʉ́ʉtə́ Sê tû pye pi gháp ŋə̂ wéi ngwôʼ.]

«Pəndʉʉ-mboŋ ə̂ pye pi gháp pə́ njî ńgó gháp pə́ mbi Sê, káa kuʼ gháp có zə̂u; ńté no gháp táa zʉ́ pəi Ləfou Sê*.

Pəndʉʉ-mboŋ ə̂ pye pi gháp laghʼ pə̂ mbwórə ńtʉ̂ŋtə məno, ńté no pə́ táa fúŋ gháp ńgó ghəpə́ Sê!

Pəndʉʉ-mboŋ, ə̂ pye pi gháp pə́ ngeʼtə́, ńté no Sê ghʉ̌ zǎghʼ nci nyôghʼ gháp!

Pəndʉʉ-mboŋ ə̂ pye pi pə́ pə́ ntyê gháp ńté no gháp pə́ ngʉ ghíʼ Sê pə̌ nkǒŋ, ńté no gháp táa zʉ́ pəi Ləfou Sê*!

Pəndʉʉ-mboŋ ə̂ pye pi gháp pə́ ntsâa məjʉ̂ŋ pəcó pye, ńté no Sê táa tsáa məjʉ̂ŋ máp záp lə́wó!

Pêi pəndʉʉ-mboŋ mpfu yi pə́ pə́ nzoutə wéi, ə́ mə́ tyê wéi, ə́ mə́ nzápə sôu mbə̂u lə̂ mbə̂u tû pei ńté no pei tsə̌ʉ nzəm məŋ. Pə́ lə̌i mə́ ngʉ̂ yə́rə́ lə́ pei, pei tsêi. Ə́ nzǎp ḿbíŋ, ńté no Sê tsuŋtə tə́koʼ ntsoʼó-faʼ ə́ mə́ ndághʼ ńzʉ́ʼtə wéi. Pei yáa njí ńgó ə́ kə́ mbə́ pə̂ ndʉŋ-ndʉŋ yə́rə́ ghíʼ pə́ lə ghʉ̌ lə́ pətsətə́-nkəʉ Sê* pi ə́ lə pyə̌ghʼ ńtó, pei poŋə́ tô zéi.»

Pəndʉʉ-mboŋ ə̂ pəghaŋə mbwórə, ńté no gháp ghʉ̌ zʉ́ ngoŋ yi Sê kə ghʉ̌ ndaʼá mə́u lə̂ ŋə́ lə́ pye pé!

Pei lə̂ pə̌ ngwâŋ cər nzʉ̂. Ngwâŋ lə̌i mbə́ ghíʼi ə́ shə́rə́ tə ncʉ́ʼ ndə́pə ləpə́, pə́ pou ngʉ́ gháʼá mə́u tə ə́ kə̂ ncí ndə̂ʉ? Ə́ kə́ pǒu pfûtə yé lə̂ có zə̂u po, ə́ cʉ́ʼ túŋú pə́ lə̂ ncwə́r pěi, ə́ pə lâghʼ məku ńnyʉ̂ŋtə́.

Ghíʼ ə́ kə́ mbə́ yə́rə́ lə̂, pei pə́ pətə-lǒʼ*, ghíʼ Tə́ wei yi a pə́ tʉ̌-lə́pû pə̌ tə́ lǒʼ*.»

Ńgó “ə̂ŋ” wei pə́ “ə̂ŋ”, “ə́ ngə́” wei pə̂ “ə́ ngə́”, ə yi pə́ kʉʼʉ mə́u cʉ́ʼ fû pə́ mbó Sə́tə.»

«Pei lə zúʼ ńgó pə́ lə lâʼ ngô: “Ŋuu lə̌i mbə̂ghʼ ləjôghʼ ŋuu, ngaŋ kə̂ mbə̂ghʼ yé lə́wó, ŋuu tsóʼ ləsoŋ ŋuu, ngaŋ kə̂ ntsôʼ yé yé lə́wó.” Lə́ məŋ ndâʼ lə́ pei ngô: Koo pei lâghʼ no tə́poŋ, ə́ mbʉ̂ŋ có. Ŋuu lə̌i sə́u ləfěi lə́ ndyəghʼə́ tû ghô yi təʉ, o shə́rə kwap ə́ nyárə́ a sə̂u.

Ləjôghʼ zô yi təʉ lə̌i mə́ ncʉ́ŋə́ ghô o fâa no, o kwárə zěi ḿméʼ ndǐ təsə lə́ gho. Mboŋə́ ghíʼ mboʼ cǒ tâʼ lə̂ məyʉʼ mbəʉ mô cwî, lə́ pə́ pou lə́u ndáʼ mâʼ yé ghô cər mǒghʼ yi tə́ láʼ ncwí po. Pô zô yi təʉ lə̌i mə́ ncʉ́ŋə́ ghô o fâa no, o zâʼ zěi ḿméʼ ndǐ təsə lə́ gho. Mboŋə́ ghíʼ mboʼ cǒ tâʼ lə́ məyʉʼ mbəʉ mô cwî, lə́ pə́ pou lə́u ndáʼ mâʼ yé ghô cər mǒghʼ yi tə́ láʼ ncwí po.»