LUKA 6 Popüler Kutsal Kitap Ayetleri

Paylaş

Muhe vandi, khu Nyasaye alimuha. Ni kilikali, muliitsa khunyola shipimu shitushili, vukhonyi nu mwoyo mulala, nu vwitsule mu makhono kenyu -- vwosi vwa munyala khukasitswa navwo. Shipimu shiamupimilamu vandi, nashio shia Nyasaye aliitsa khumupimilamu.”

Mundu mulahi ali ni vindu vilahi mu livishilu liu mwoyo kwekwe makhola vindu vilahi; khandi mundu mutamanu ali ni vindu vitamanu mu livishilu liu mwoyo kwekwe makhola vindu vitamanu. Mundu alomolomanga khulondokhana khu kali nako mu mwoyo kwekwe.

Navutswa muyaanze vatsiku venyu, khandi muvakholele malahi. Muhaane vuchila khukalushitsilwa; ma murungu kwenyu kuliva mukali. Muliitsa khuva vaana va Nyasaye Uli Ikulu khu Viosi, shichila nu mulahi khu vandu vambakhananga khusanditsa nende viimani.

Muve vandu vi tsimbavasi, khuli Tata wenyu ali wi tsimbavasi.

“Muvuli khukhalachila vandi, khu Nyasaye alivula khumukhalachila; muvuli khutula vandi, khu Nyasaye alivula khumutula; musemehe vandi, Nyasaye alimusemeha.

“Navutswa muvoolelanga munyi vamumbulilanga ndi muyaanze vatsiku venyu, khandi mukholele yavo vamuhimanga malahi. Mukasitsi yavo vamulaamanga, musaalili yavo vamukholelanga vindu vitamanu.

Mukholele vandi khuli munyi mwenyanga vo vamukholele khandi.

Niiva mundu alamusamula lukhovi khuluseye, mumuhe luseye lundi khandi; niiva mundu aliitsa khuvukula likoti lienyu, mumuleshe avukuli lishati khandi. Mundu namusava shindu mumuhe; khandi lwa mundu wundi avukulanga shindu shienyu, mukhareevi amukalushitsili tawe.

“Musala mulahi shiukwamanga matunda matamanu, inoho musala mutamanu matunda malahi tawe.

Shia musala kwosi kwamanyikhana, shichila matunda kakwo; shichila matunda ku mukhuyu shikanyala khwatuulwa khurula khu misala chia mavwa; inoho matunda ki misabibu khwatuulwa khurula khu marakalu tawe.