YOHANA 15 Popüler Kutsal Kitap Ayetleri

Paylaş

“Ninzi uli khuli musala ku musabibu; na munyi muli khuli tsisia tsiakwo. Niiva mundu alatsililila khuva mwinzi, ninzi muye, aliitsa khwama matunda mu vunyishi; shichila vuchila inzi, shindu shivulakhuho shiamunyala khukhola.

Mutsililile khuva mwinzi, ninzi nzililile khuva mu munyi. Lusia luvulakhuho lunyala khwimeelela matunda lwene; khutukha lutsililile khuva khu musabibu. Khali munyi nu mukhavele mwinzi, shiumunyala khwama matunda tawe.

Niiva mulatsililila khuva mwinzi khandi makhuva kaanje katsililile khuva mu munyi, numureeva shia shindu shiosi, mulakholelwa.

Shikali nu munyi mwarovola inzi tawe; navutswa ninzi warovola munyi nimuruma khutsia khwama matunda mu vunyishi -- matunda kanyala khuvaho khumatukhu koosi. Nalwo lwa Tata wanje aliitsa khumuha shia shindu shiosi shiamureeva khuvirila mu lira lianje.

Vuyaanzi vukali vu mundu anyala khumanyinya valina veve nu khuvakhutsila.

Areemanga shia lusia lwosi khwinzi lwambakhananga khwama matunda; khandi atsoola shia lusia lwosi lwamanga matunda, khu lwame mu vunyishi.

Lilako lianje nalio yili: Muyaanzane vene khuvene, khuli inzi namuyaanza.

Vukhumi vwa Tata wanje vumanyikhananga khuvirila khuliama lienyu lia matunda mu vunyishi; khandi kalolekha khuva ni kilikali nu munyi veechi vaanje.

“Ninzi uli khuli musala kwatoto ku musabibu; na Tata wanje neye musembeleli.

Niiva mundu anyala khwambakhana khuva mwinzi, ali khuli lusia lwasiuvwa ilwanyi manuluniala. Tsisia khuli tsienetso tsivunjelitswangwa khandi tsisiuvwa mu mulilu khusambwa.

“Muvoolele vindu yivi, khu vuyaanzi vwanje vutsililile khuva mu munyi; khandi ndi vuyaanzi vwenyu vuve vwatoto.

Niiva mulatsililila khulonda malako kaanje, mulatsililila khuva mu vuyaanzi vwanje, khuli lwa nalonda malako ka Tata wanje khandi nzilililanga khuva mu vuyaanzi vwevwe.

Muvoolelanga: Muyaanzane vene khuvene.

Niiva mwakhavele khuli vandu vu mu shivala, khu vandu vu mu shivala vakhamuyaanzi muve vavo. Navutswa narovola munyi khurula mu vandu vu mu shivala, khandi shiumuli khuli vo tawe. Nako kachilanga vandu vu mu shivala nivamuhima.