Kejadian 6 Popüler Kutsal Kitap Ayetleri

Paylaş

Asogo yerentesirik, disogo egei, “Aphwami ai ne’bigene en walsogo ’gwiangma enebegi o,” oluk ede modok wiak aga.

Asogo welat, aphwami ’gwiangma a’ge enebabut modok wiak, nin hwedik nan hwedik onogola modok wiak a’ge nak eberogwi modok oruakma, Nenaik ’gain Onuk Logo a’ge en il yerentesi.

Asogo egei a’geat de, at Nuh nak e, Allah ebam lo’buk ese laga.

Nuh en taga laga re, disogo. At eiyagai ap enebe henagan a’ge eria re, Set emin, Yafet emin, Ham emin. Ye, at Nuh ebe ebabut e, at Allah emin hwedik welat, ebabut wiak mesik tu erlakma en hegitsogo nak taga laga. Eria hegit e, at ematek nak op taga laga.

Asogo ede wiak agarik, disogo egei, “Ne’bigene en is ai walentegis o, oluk egi ai en aphwami an en walentegis a’ge ai enebe modok erlagap enebasulat, wam, tue, ’baik, di a’ge yu a’ge e’gik erlak oruak ’berlegat erlagap paik o,” oluk egei.

Aphwami enebe asogo dagetil waga legesarik, enebe modok a’bik egesarik, o di owi yu owi modok wiyalegesa. Asogo wiyal agai welat, malik logon hwelani dagenebigisa. Asogo dagenebigisema, is ap Allah eiyagai a’ge en hwelani modok op a’ge enil entigisarik e, is enagai epegesa a’ge enebe wogenebigisa. Asogo wogenebigisema, at Nenaik ’gain Onuk Logo a’ge en e, “Is aphwami ai enelaluk modok wolom ai re, nebit o. Enebe wiak, modok warom a’ge nak oruak o. Holuk e, is enebe umur hwerli 120 tahun welemarik logon emin welema modok erlak o,” oluk egei. O hwerli eria pam emin, pobuk emin, aphwami ’gwiangma enebagase lok a’ge logon welegesayat. Is aphwami enebagase lok a’ge ai re, hwami enebe op modok a’ge is ap Allah eiyagai a’ge en wogenebigisa a’ge ebano en dagenebigisa a’ge. Is ap enebagase lok ai re, naduk welegesa eria pam e, ononuk oruakhwe enebam harowiak welat ’gainat welegesa ai o.

Asogo mo’gulesimu, at Nuh wene Allah en, “Di togu lomup yu togu lomup,” oluk mo’gulesi hegitsogoat tegei o.

Allah il asogo entasu laga ai en, Nuh disogo mo’gulesi, “Aphwami o di owi yu owi enebabut is logon enebe enedeap onobo erlakma en, modok wiak togwi ai en, aphwami enebe emin, di a’ge yu a’ge ’berlegat emin, ’gwiang emin, modok erlagap paik o.

Holuk, hat hebaget, ik so e anni a’ge hu’gwarek hebaget werip o. Asogo weriselat, o hwerli ’bal-’bal hwerlisogo werip o. Asogo werik poluk, a’bosu ’boruk akhwi a’bosu ’gela’ge sing a’ge o’borl o’gwe ogola o’gwe eminat modok werip o.

Aphwami ’berlegat enebabut modok wiak togu legesa ai en, Allah en aphwami ’gwiangma a’ge il entasuam e, modok wiak nak oruakma il entasu laga.

Asogo ’gogulat e, wam, tue, ’baik, di a’ge yu a’ge e’gik erlak oruak a’gul onuk lo’bok waronobuano oluk e, mesik-mesik ogun ugwe lo’bokhegeik woluk so ogola ’gwi lu o.