Yhn 16 Popüler Kutsal Kitap Ayetleri

Paylaş

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Kambe yelweyo ataku loko atile, wunga Moya wa xihlayelamfuri, atan'wifambisa axihlayelamfurini hinkwaxu. Hikuva angaka angavulavuli ha swake, kambe hinkwaswu leswi atakaswiyingela ataswihlaya, na kone atan'witivisa ni leswi switakahumelela.

Kutlhasa swoswi, an'wisangana kombela ntxhumu hi vito dranga; kombelani, n'witanyikiwa, akuva kutrhava kwenu kuhetiseka.

Kambe nan'wibyela xihlayelamfuri nili i swinene ku n'wine akuva ni muka, hikuva loko ningamuki, a Mutxhaveleli angaka angati ku n'wine; Kasi loko nisuka ku n'wine, nitan'wirumela yene. Na yene kutaku loko atlhasile, atakholwisa misava leswaku xihono xikone, ni kululama kukone ni kuyavanyisa kukone.

Switanu na n'wine: n'wavaviseka swoswi, kambe nitatlhela nin'wivona, kutani a timbilu tenu titatrhava; na kone akuna mhunu lweyi atakan'wisusela kutrhava kwenu. Hi siku ledro, n'winganivutisi ntxhumu. Nihlayelamfuri nili ku n'wine: Hinkwaswu leswi n'witakakombela ku Tatana hi vito dranga atan'winyika.

Nihlayelamfuri nili ku n'wine: n'witabongosa n'widrila, kambe misava mitatrhava. N'wine n'witavaviseka kambe kuvaviseka kwenu kutandruluka kutrhava.