Yohanes 10 Popüler Kutsal Kitap Ayetleri

Paylaş

Nen, it ap inil arurlu waganigogo mende wirigogi eti domba inil arurlu waganggik, inakik, inebe mondok deget diyigik, kagasuwogoluk wirigogi mende, an wagagi etiat, it akoni yi mende ndi mende dogalegat oba kiyakogo dogoligogi eti kak, inebe iniluk mondok dogowagaluk inilugurinabiluk nen ebe mende oba kiyakogo dogowagaluk wagagi o.

Domba inde werek dogolik inanggorlem dogoligogo mende, nobabut pano, nebe anat o. Domba indewerek dogolik inanggorlem dogoligogo mende, obabut pano mende nen, domba inirli waganogo watlasigin yiluk akla ambaligogo.

Kit kinakla esigit diluk ambaligogi mende, it amberek an nandomba mende kalok, nane inasuk koligogi, it nen an nebe it inilu nogo nen, nomborlik wirigogi o.

Nomborlik noko nggorlek, it iniluk mondok dogowagaluk inilugurinako dogogin eti paga, it inebe watlatluk dek asugun dek o. It an ninggi paga werek nggorlek, it ap amberek nen ndilogo woginabusak mondok dek o.

Kolagambe mbalek, an nebeat o. Ta nen an nebe paga unggisi kalok, irli korlaginmo mondok pano dogolik, dukigik unggigik kagako dogolik, ongga pano mende dombok nasi dogogin o.

Domba inanggorlem dogoligogo mende nobabut pano, nebe anat o. Nombae nen an ilu, nen, an nen at nilu, werek eti kak, an nen nanggo domba nilu, nen, it nen an inilu, weregat o. Esigit diluk dogolik, an nanggo domba inirli waganogo watlasigiluk werek o.

Ap amberek erlok dek mende, an nombae nen nandomba woknikike mende etiat, ebe obatne werek o. It an nombae nen woknikike mende eti at inggi paga werekma, it ap amberek nen ndilogo woginabusak mondok dego. Nombae nimbisak ninebe omanggiat o,” yiluk yogisasikemo

Domba inanggorlem dogoligogo mende nobabut pano, nebe anat o. Nombae nen an ilu, nen, an nen at nilu, werek eti kak, an nen nanggo domba nilu, nen, it nen an inilu, weregat o. Esigit diluk dogolik, an nanggo domba inirli waganogo watlasigiluk werek o.

An nen watlasigin ambigidekmaat, it akoni amberek nen obake paga nasusak erlok dek o. An nenggaerek nakla nenat, nebe watlasigin ambagin obaat watlasigin o. Watlatluk yabunggane suguluk niluk asigin eti nenggaerek nakla nen ambagin obaat o. Esigit diluk kagasuwagaluk nombae nen laʼbani wagike mendeat kagasigin o, yiluk eberogonat yokisigi,” yiluk yogisasike.

Esigit diluk didigidek werek nggorlek, yabunggane at Yesus nen, men yogisasike, “Wene eberogonat omanggi yokisak o. Domba eti inagolak ambe mbalekma, an nebeat o.

At esigit diluk ambaligogo mende, at ap omanggi domba indewerek mende ebe dekma. At anggo dek mende. At onggo wogosuwagaluk inanggorlem werekma kelo yengge wagonem ilenggen lakalok, domba togot diyalok lo lagarekma, kelo yengge etnogo nen domba yomenogo aik nen yarlukigik woginabigiluk sikogo-mukogo sirlik-mbirlikogo wula ʼbiyiligogo.

At Yesus nen wene esigit diluk yogisasikesik nen yabunggane, men yogisasike, “An nen wene omanggi eberogonat yokisak o. Ta nen domba waganigiluk ebe lalma unggigiluk, kolagambe mbalekmangge unggigidek, leget isade ndalogo unggisi kalok, ap eti inil arurlu waganigogo mende inggi abusak waganigilugat o.