Jɛ́nɛ́sì 8 Popüler Kutsal Kitap Ayetleri

Paylaş

Ké Bounɓoɔ̀ wɔ̃́ ma sáa-zàìn-ɖɛ̀ɔ̀ nyɔ́ɔ̀, ké ɔ hwòɖǒ dè ma dyi. Ké ɔ cɛ̃ɛ ma ɖé ɔ hwòɖǒ bũ̌, ké ɔ ɖá, “Ḿ se ɓóɖó-kpàɔ̀ hwòɛ̌-wùɖù kɔ̃ poɛ́ mu ɖe dyììn ɖé ní-tò mú fɔɔ cá, kɛbì nyɔǔn-dyùɛ̀ hwòɖǒɛ̀-gbɔ-po-ɖɛ̀ mɛ nyìnììn kɔ̃in kánáá pū sɔ̀ìn ɖé wa dyú-tìǐn nyɛ, ké ḿ se ɖɛ séín ɓéɖé fɛ̀ɛ̀ kɛɛ mú gbɔɔ̌ mu ɖe kà ḿ nyuà kɛ. Kà ɓɛ́ ɓóɖó-kpàɔ̀ mu nììn keɛɛ, ɖɛ-ɓá-tì kè ɓáá-ɖɛ̀ɔ̀ ɓo-kpã́-tì mu nììn, ké sɔ̃̀ɔ̀-tì kè zùzù-tì mu nììn, ké dyóɖó-bà-tì kè ní-tì mu nììn, ké dyóɖóaún kè máaún mu nììn kánáá pū.”

Hwɛ̀ ké Nóà po ma sáa-kɔ̃-zàìn-gbàà ɖò ɓó Bounɓoɔ̀ bìì. Ké ɔ ɖú ma nimii ɓě kè naà ɓě ɓɛ́ Gèɖèpɔ́ɔ̀ ɖá wa nɔ̀mɔ̀à dyíin ɓó sáa zàìn jè kè ɖi jèɛɛ ɖíɛ́ ɓě dyí, ké ɔ zàìn ma wa sáa ɓó gbààɔ̀ kɔ̃ dyììn ɖé wa fɔ̃-fɔ̃ mú.

Sɔ̀ìn ɓóɛ gboɛɛ, Gèɖèpɔ́ɔ̀ poìn ma Nóà kè ɖɛ séín ɓéɖé fɛ̀ɛ̀ nì ma kà ɖé méèɔ̀ múɛɛ jè hwìɖǐi. Ké ɔ tò ma pìɔ̌, ké ɔ ɓaɖa ma ɓóɖó-kpàɔ̀ kɔ̃. Ké níɔ̀ dè ma ɓíɖíi muɛ gbɔ.

Ti ɓɛ́ gbúɛ́ɔ̀ dyi ma ɖe ɓó hwìoɛɛ, gmɔ̀ nɔ̄, ɔ gbǎìn ma ɔ́ɖè-mì dyɔ̀ɔ̀ ɖò wĩín. Púɛɛ, Nóà dyuòɛ̀ ma dyí kà níɔ̀ ɖǎ ma ma kɛ.