यूहन्ना 6 Popüler Kutsal Kitap Ayetleri

Paylaş

यीशु आंदुर से अंदुन, “जीवन इन रोट्टी ना हुईन: जो नान हात्‍ती बरतान आव यागलु उपासा ईरतीदील, अदिक जो नान मा विश्वास माळतान आव यागलु प्यासा ईरतीदील.

आत्मा रा जीवनदायक आद, मय देल येनु लाभ हैलेच; जो मातगोळी ना नीम से अंदीन अव आत्मा हु, अदिक जीवन भी हुन.

नाशवान भोजन इन साटी मेहनत माळबाळी, लेकीन आ भोजन इन साटी जो अनन्त जीवन ताका ठहरूसतद, यारी मंळसा अन पार नीमी कोट्टान; यतिकी आप्प मतलब परमेश्वर अदुर मा छाप हच्यान.”

यतिकी नान आप्प उन इच्छा ईद आद कि जो यावारा पार उक नोळुल अदिक आऊन मा विश्वास माळुल, आऊक अनन्त जीवन सिक्‍कीत; अदिक ना आऊक आखरी दिशी बाक जित्‍ता माळाईन.”

यीशु आंदरी उत्‍तर कोट्टुन, “परमेश्वर उन क्याल्सा ईद आद कि नीव आऊन मा विश्वास माळी, यारी आव कळ्यान.”

जो येनारा आप्प नानी कोळतान अद सप्पा नान हात्‍ती बंदीत, अदिक जो यावारा नान हात्‍ती बंदान आऊक ना यागलु तेगुतिदील.

शमौन पतरस आऊक उत्‍तर कोट्टुन, “हे प्रभु, नाव यार हाती होदेव? अनन्त जीवन इन मातगोळ रा नींद अच हाती आव

जीवन इन रोट्टी जो स्वर्ग टु ईळुत, ना हुईन. अगर यावारा ईद रोट्टी दा टु तिंदान, रा सदा जित्‍ता ईत्‍तान; अदिक जो रोट्टी ना दुनिया अक जित्‍ता ईरोरसाटी कोळाईन, अद नान मय हुन.”

याऊ नान हात्‍ती बर सकालुन यागासताका आप्प, याव नानी कळ्यान, आऊक जेडु कोमालुन; अदिक ना आऊक आखरी दिशी बाक जित्‍ता माळाईन.

यतिकी परमेश्वर उन रोट्टी अदा हुन जो स्वर्ग टु ईळुकु दुनिया अक जीवन कोळतद.”

जीवन इन रोट्टी ना हुईन.

आग यीशु रोट्टीगोळी हुळदुन, अदिक धन्यवाद माळकु कुरावाळेर इक वाट्स बुटुन; अदिक हांग अच मेनगोळ दा टु यास आंदुर चाहासोर वाट्स बुटुन. याग आंदुर तिनकु संतुष्ट आगेदुर रा आव तान चेलागोळ से अंदुन, “मिक्‍कु तुकळागोळी जमा माळबुळी कि येनु भिटकु आगबाळुल.”

याग आंदुर केई केई अईद-आर कोस इन लगभग होटोदुर, रा आंदुर यीशु उक झील मा नळुत अदिक ड्वांगा अन हात्‍ती बर्त नोळदुर, अदिक अंजेदुर. लेकीन आव आंदुर से अंदुन, “ना हुईन; अंजबाळी.”