Mateo 5 Popüler Kutsal Kitap Ayetleri

Paylaş

Manami pipis atskita ratarkatsir cajón rurinman churantsu, sinöqa wayicho lapanta atsikyapänanpaqmi alayrinninman churan. Tsaynöla qamkunapis runakuna rikakushunaykipaq tsakaycho atsikyaqno alikunata rurapäkuy. Tsayno kawashqaykita rikakurmi jana patsacho kaykaq Taytaykita alabapäkunqa.

<<Kay patsacho atskinömi karkaykanki. Tsaynöpis alayrinnincho kaykaq markata pïmaypis rikashqannömi imano kawashqaykitapis runakuna rikaykäshunki.

<<Kushishqami kawapäkunqa shonquncho imaypis alilata yarpaqkuna. Paykunaqa Tayta Diostami rikanqa.

<<Kushishqami kawapäkunqa mikanaypanöraq y yakunaypanöraq Tayta Dios munashqanno kawayta munaqkuna. Paykunataqa Tayta Diosmi yanapanqa.

Tsayno niptinpis noqaqa kaynömi nï: Chikishuqnikikunata kuyapäkunki. [Ashlishuptikipis ali shimilaykipa parlapanki. Contrayki sharkuqkunatapis ali rikapäkunki. Manakaqman churashuptikipis y] nakatsishuptikipis Tayta Diosta paykunapaq manakärinki.

<<Kushishqami kawapäkunqa Tayta Diosta nistaqkuna. Paykunapaqmi Tayta Dios mandaykashqan kaykan.

<<Kushishqami kawapäkunqa runa mayinta amistatsiqkuna. Paykunataqa Tayta Diosmi <wamrämi kanki> ninqa.

<<Kushishqami kawapäkunqa lakikur waqaqkuna. Paykunataqa Tayta Dios shoqanqami.

<<Kushishqami kawapäkunqa Tayta Dios munashqanno kawashqanpita runakuna nakatsiptin. Paykunapaqmi Tayta Dios mandaykashqan kanqa.

<<Kushishqami kawapäkunqa runa mayinta kuyapaqkuna. Paykunataqa Tayta Diosmi kuyapanqa.

<<Kushishqami kawapäkunki noqata chaskikamashqaykipita runakuna ashlishuptiki, nakatsishuptiki y lulakur imaykatapis jitapäshuptiki. Tsayno kaptinpis kushikäriy. Qamkunapaqqa gloriacho maynami Tayta Dios premiuta kamarishqa. Qamkunata chikishushqaykinölami unay runakunapis Tayta Diospa profëtankunata chikipäkurqan.

<<Kushishqami kawapäkunqa ali shonquyuqkuna. Paykunaqa herencian kananpaq mushuq patsatami chaskipäkunqa.

<<Qamkunaqa kay patsacho kachinömi karkaykanki. Kachi qamyakäkurmi itsanqa imapaqpis mana välinnatsu. Tsay kachita jitariptin pïmaypis jarukunmi.

Jana patsacho kaykaq Taytayki jutsaynaq kashqanno qamkunapis jutsaynaq kapäkuy.

Awnirqa awnipäkunki, y mana cumplinayki kaptinqa ama awninkitsu. Jurayparaq awnirqa Satanás munashqannömi parlarkaykanki.

<<Musyapäkunkimi Moisés qelqashqan leykunacho kayno nishqanta: <Nawinta jorquptinqa kikinpa nawintapis jorqupätsun. Kirunta jorquptinqa kikinpa kiruntapis jorqupätsun>. Tsayno niptinpis noqaqa kaynömi nï: Chikishuptikipis ama nanaparaytsu. Laqyashuptikipis jukaq qaqlaykita kamapanki.

<<Tsayno kaptinqa alawqa kaq nawiki jutsata ruratsishuptikiqa tsay nawikita jorqurir jitariykuy. Infiernuman qaykushqa kanaykipa trukanqa mas alimi kanman wiskulapis kaptiki. Alawqa kaq makiki jutsata ruratsishuptikiqa tsay makikita kutsurir jitariykuy. Infiernuman qaykushqa kanaykipa trukanqa mas alimi kanman juk makiyuqlapis kaptiki.