Oyinyima 6 Popüler Kutsal Kitap Ayetleri

Paylaş

Di ọ ka àa yẹ asị ọnị mẹ̀ ọza vẹ ẹhẹ. Ộ zị ọ ẹtẹẹtẹrẹ ka ọnị ộ mẹ̀ ọza.

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Ama Inowa ọnị ộ nyị ebira ene zee Ẹnẹyịmavara eyi.

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

Dị Ẹnẹyịmavara va ka, “Ọza ọnị mị tụ́ vẹ ẹhẹ aanị vị ọnị maa kụ́ụ kwooze hụụnị ẹhẹ saka-saka. Ọza, uye ịnị avị, ịsụpa ini eehi, uye eneē tura ne beri inomi ene hi ẹbẹẹba vị ọnị maa kụụ kwooze piti, ô du mị ayị ka mâ mẹ wa vẹ ẹhẹ.”

Ịnị ụmẹ ọnọọ aza e si nyima aa rụrụụ dị ẹ yaa garaa hi ịnị ẹhẹ, dị ẹ yaa ma ezi anẹẹ nị. Ụmẹ ọnya anggẹẹrị ẹnyị ee re ka ezi anẹẹ ana aza ma ê zoza. Dị ẹ ọzọza nyị ene zee wa eyi dị ẹ sị mẹ ose ẹnịnị nị. Di Ẹnẹyịmavara Ohomorihi va ka, “Mẹ yị vaa zẹẹ ka ọza ọ̀ ra ịnị ẹhẹ pooro zịna-zịna, agụvị ka òo si oo yị vi ee su nị. Ịrayị ẹchịhịnọnyị (120) kẹnẹ mị vaa zẹẹ ka ọ̀ ra ẹhẹ vị nị.” Â vịdị nyị aza bahị-bahị ene hi ịnị ẹhẹ ịnị ụmẹ ẹnẹẹ, ẹnị ẹ vị ezi ana ma yị anggẹẹrị ẹnẹẹ nị. Ịrẹma ọnọọ ẹngụ anggẹẹrị ẹnẹẹ ẹ̀ẹ rẹ nọ ịda ezi anẹẹ ana aza ma, dị ẹ ma ezi nị. Ezi ẹnẹẹ ẹ vị ọnọrụ ịyẹẹyẹ nị. Ẹnịnị ệ ngụ ịrẹyị.

Ịzẹyịza dị Inowa vavọọ mẹ̀ ẹ nị. Avaba ịsị Ohomorihi ka ọ̀ mẹ, dị ọ vavọọ mẹ̀ ẹ nị.

di Ohomorihi va kà a yị Inowa dị ọ ka, “Ọnị o si aro mẹ ka ọnị ee vú anẹhẹ ẹtẹ, agụvị ka ẹ raà kụ́ ebira ẹngụkata hi ịnị ẹhẹ. Ọ kà ọnị ee vú wa ẹtẹ ọnịrị avaba ịsa ene hi ịnị ẹhẹ.

Ohomorihi ka Inowa ọ̀ dà ọchị Ịsayịpụrẹsị ozoza mẹ ẹpa ọbanyị ọnya. Ọ kà ọ̀ mẹ̀ ẹ dị ọ̀ nyị aku hi ịnị ịnẹ anị. Dị ọ sị ọ̀dà sisi ọ ịnẹ ọnịrị ẹhẹ vị asị enyi zụ ngụ ọ.

Ịjị Ohomorihi maanị re ẹhẹ ka ộ ta divi, ka avaba ebira ọnị ọza kụkụ aa mẹ bemi vị ebira odivi

Ịnị avaba ịsa ana aa tụ́ ụhwẹ dị ọ kụ́ wa ẹẹva ọnọrụ ọnịrị ọnẹẹ dị ẹ ngụ ịnị ẹpa ọnọọ di ọnịrị wa ra hi ịzọọ dị asị e su.