Yahwana 12 Popüler Kutsal Kitap Ayetleri

Paylaş

Kəlara mdə na ata hir hara kəthlər ali, tar ka tsa nu ra. Kamnyar kəlara vəi tə I akwa, tar ka mdər hara kəthlər ali ndzi anda tsuwa, ka tsa ndzi ata vəi duku ka iya akwa vəi natə I akwa. Kəlara mdə na akwa hara kəthlər ali, Təddarna ata haptə səliyirni.”

Kəlara mdə na akwa hir mpikari, tsa ata ni ka mpikari ni. Amma kəlara mdə na akwa nggəlar mpikari akwa duniya ngəni, tsa akwa ɓəlatə ni har ba aka mpikə na akur wa.

I akwa pəla ala giri jirkur, ma munya alkama aɗi təri akwa həi ka hiɗa wa, tsa ata ndzi tsu duku shini ni. Tar ma tsa ku hiɗa, antə tsa ata ya hang.

Kamnyar I si akwa duniya ni apa parakəu, kamnyar ka kəlara mdə na ku hamta jiri ali, aɗiya ndzi akwa kuthlu wa.

Kəlara mdə na ku nggatə ndərərna, amma tsa aɗi kələngkər akari wa, I aɗi an ata hara alari shariya wa. Kamnyar I aɗi si kəi hara shariya aka duniya wa, amma kamnyar kəi mbantə duniya.

Antə Maryamu kətə kwalɓar mal shiwura na msəra tə mdə nam ka nard shini, na ka masari ɓəɓal, ka kəkərtə səla Yesu kəgari, ka fwavumta səlari ni ka shishir kərari. Antə shiwur mal na msəra ni ndlətə shanga kutakəi ni.

Antə da fatə thlaliyir dipənau ka ləɓəla kamnyar thla kəmari akwa pəla ka kuraku abbər, “Hu gir Hyel! Ka Hyel vədzə barka aka mdə na akwa si akwa thləma Mthlaku! Ka Hyel vədzə barka aka Kuthlir Israila!”

Antə Yesu shinau ala ɗa ka pəla, “Kulini saka ku hara kamnyar ka Ɓzər Mdə wutə səli.