Maafiù 7 Popüler Kutsal Kitap Ayetleri

Paylaş

“Dàweìŋ wo Dayà wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ. Kàmeìŋ koɓɛ̀i wo Dayà yaà lɛ, nìŋ douŋ nàŋ mɛɛ̀ŋ, kpùlaìŋ wɔŋ gbemgbeeɔ̀ koɓɛ̀i wo Dayà yaà lɛ, wò do wuŋ nàŋ yilè weèiŋ.

Esaɓù kɛ̀ wo Dayà dò nàŋ kìɛ̀ŋ wo nyùnɔ̀ɔŋ gbiŋ dawàuŋ wèè manɛ̀ŋ wɔ. Wò do nàŋ kìɛ̀ŋ manɛ̀ŋ koɓɛ̀ wo nyùnɔ̀ɔŋ gbiŋ kamàŋ mìŋ wɔ, e kìlà wò do nàŋ yìlè wɔŋ gbemgbeeɔ̀ wèè wo nyùnɔ̀ɔŋ yɛ̀mɛ̀ manɛ̀ŋ maŋ wò zoolà weè miŋ màŋ.

“Weètii wo nyùnɔ̀ɔŋ gbiŋ komo maŋ miè gbìaim mɛɛ̀ŋ e kìlà wo miŋ jɔ̀ɔ̀lɔ̀ dìì wɔ, wò yaà mààŋ wo nyuùŋ kɛ̀ɛ̀jii wò yèɔ naŋ nyɛ̀lɛ̀ ke saauŋ nɛɛ̀ŋ wɔŋ duò tàà gbee diɛŋ.

“Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ. Tɛɛ̀ nàŋ yaà e fàsàì maŋ Sàwà Dayà maŋ yaà e yèɛ aŋ wɛ̀ijì nyaŋ naŋ wa kaà lɛ.

Kɛɛ ke dòmaàŋ kɔ̀à koɓɛ̀ wɔŋ gbàngì wɔŋ nyiiŋ gèe gò jùàa yɛ̀ naŋ suulìì yèè kè naŋ nyìngè kàaiŋ. Anyuùŋ kpàka nɔŋ nàŋ yɛmɛ̀ nyìŋ.

“Jɔ̀ɔ̀yɛìŋ ke dòmàŋ gbàngì suulìɛ niŋ jɔ̀à. Esaɓù kɛ̀ ke dòmaàŋ kɔ̀à koɓɛ̀ wɔŋ gbàngì jàhamaàŋ yɛ naŋ dɛ̀ɛ̀ fàà e kìlà ke gò nyìngà kàaiŋ. Anyuùŋ zimgbe jɔɔyɛ̀ wɔŋ gbàngì ke dòmaŋ gbee bì sùà.

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛ̀ŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ mànɛ̀ŋ kɛnɛ kòɓɛ̀ ànyùùŋ nyaŋ dawàuŋ nyaŋ?

“Ɓɔ̀ nìŋ kilià è kiti ànyùùŋ diɛŋ, wèè kɛ̀ wo Dayà goiŋ nàŋ kìlìè kiti diɛŋ nyɛ̀iŋ pɛɛ. Jàaìŋ jii kɛ̀, ke sàwà gunɛ̀ɛŋ nìŋ do nàŋ toomò wèè naŋ kìlìà anyùùŋ e kiti diɛŋ lɛ̀, kiiŋ nɔŋ wo Dayà do nàŋ toomò wèè weiŋ kìlìà kiti diɛŋ.

“Kɛɛ wo nyùnɔ̀ɔŋ gbiŋ naŋ kòmò maŋ miè gbìaim mɛɛ̀ŋ yèè wò naŋ gè maŋhɛɛ wèè wo miŋ jɔ̀ɔ̀lɔ̀ dìì wɔ, wò yaà mààŋ wo nyuùŋ gò kɛ̀ɛ̀nɛ̀ŋ jiikɛ̀ɛɔ̀ wò yèɔ naŋ nyɛ̀lɛ̀ ke saauŋ nɛɛ̀ŋ e heiyɛɛ̀ sùà wɔ.

Kpeiŋ kɛ̀, wèè kiìŋ naàŋ mùŋ yɛmɛ̀ ke kuùfìèɛ ko sòòfɛ̀ɛ̀ dàwi mɔɔ̀ŋ, kɛɛ muŋ fè jàà jii kɛ̀ wɔ̀ŋ kuùfòò gbee kòò wɔ̀ŋ yaà kò sòòfɛ̀ɛ̀ muàŋ biì? Dièsɔa mùŋ naŋ ɓɛ̀nɛ̀ŋ wòò wo wùìya mɔɔ̀ŋ maàŋ, ‘Tɔ̀ miŋ gòum ke kuùfìèɛ ko sòòfɛ̀ɛ̀,’ kɛɛ muŋ fè yɛ̀mɛ̀ wɔ̀ŋ kuùfòòɔ kò sòòfɛ̀ɛ̀ muàŋ biì?

“Yɛ̀mɛìŋ nyiŋ bi diɛŋ wèè aŋ wɛ̀ijì tòa nyàŋ. Àŋ hnàŋ yèè mùŋ yɛmɛ̀ nyìŋ ke fòolàa àŋ naŋ kpàà maŋ fɛ̀ì ɓaawaa sùà, kɛɛ tɔɔɓaa maŋ jii nyiŋ màŋ sùà àŋ yaà mààŋ aŋ yilì kùùno nyàŋ àŋ nyaaŋ nyààŋ aŋ pɔ̀ɔ̀wɛ̀i. Nìŋ do nyiŋ nàŋ nyìmè e yìwìà maŋ keì kààìŋ kii nyiŋ màŋ. E ɓìè maŋ dɛiŋ fè kòmàŋ màŋ gbɛ̀mɛ̀ɛ̀ŋ ɔ̀ɔ̀ màŋ kuù kòmàŋ maŋ àŋ nyaaŋ feè kòmàŋ maŋ.

Ke kuù bɔ̀u nàŋ komo ke kuù kòmàŋ siaŋ, kɛɛ ke kuù naanààŋ nàŋ komo ke kuù kòmàŋ naanààŋ.

Ke kuù bɔ̀u fè kòmàŋ kè kuù kòmàŋ naanààŋ, e kìlà ke kuù naanààŋ fè kòmàŋ kè kuù kòmàŋ siaŋ.

Ke kùù gbiŋ ke yèɛ komo maŋ kuù kòmàŋ naanààŋ maŋ, dò nàŋ nɔ̀ŋ kɔ̀àa nyiŋ yèè aŋ nyiŋ gbìàŋ ko hmɔ̀ɔ̀ŋ.