Yohani 1 Popüler Kutsal Kitap Ayetleri

Paylaş

Neke avaanhu vooni vano valyamwʉpiile na kʉkʉmwɨtɨka, akavavɨɨka kuuva vaana va Ngʉlʉve.

Kʉvʉtengʉlɨlo, ɨɨsi ye jɨkyale kupelua, kwealyale ʉLɨsio. ɄLɨsio ʉjuo alyale palɨkɨmo nʉ Ngʉlʉve. Kange, ʉLɨsio alyale ghwe Ngʉlʉve.

Ʉlʉmuli ʉluo lumulika mʉ ngʼhiisi, ɨngʼhiisi jɨkunilue kʉkʉlʉlema.

ɄLɨsio ʉjuo akava muunhu, akikala palɨkɨmo nusue. Na jʉsue tʉkavʉvona ʉvʉvaha vwake, ʉvʉvaha vʉno vuhʉfia kuuti, ghwe Mwana jʉmo mwene ghwa Ngʉlʉve ʉNhaata. Ʉmwene alɨ nʉ lʉsʉngʉ fiijo nʉ vwakyangʼhaani vwoni.

ɄNgʉlʉve alyapelile ifiinu fyoni kukilila ʉmwene. Nakwekɨlɨ nambe kɨmo kɨno alyapelile kɨsila kʉkilila ʉmwene ʉjuo. Mwa mwene mwevʉlyale ʉvwʉmi. Ʉvwʉmi ʉvuo vʉkava lʉmuli kʉ vaanhu vooni.

Ɨkɨghono ɨkɨvɨngɨlɨli, ʉYohani akamwagha ʉYesu ikwisa kwa mwene. Pe akavavʉʉla avaanhu vano pwevalyale pala akati, “Lolagha, ʉjʉ ghwe Kakolo ghwa Ngʉlʉve, ghwe mwene ivʉsia ʉvʉhosi vwa vaanhu vooni!

ɄLɨsio mwealyale mʉ ɨɨsi, najɨ ɨɨsi jooni jɨlyapelilue kukilila ʉmwene, neke avaanhu navalyankagwile. Alisile kʉ vaanhu vaake, aveene navalyamwʉpiile.

Ʉlʉmuli ʉluo lwa kyangʼhaani, lʉno lʉkʉvamulikila avaanhu vooni. Ʉlʉmuli ʉluo lwisile mʉ ɨɨsi.

Nijova ʉluo, ʉlwakʉva ʉNgʉlʉve alyatʉpeliile indaghɨlo saake, kukilila ʉMoose; ʉlʉsʉngʉ nʉ vwakyangʼhaani, atʉpeliile kukilila ʉYesu Kɨlɨsite.