SAN MATEO 9 Popüler Kutsal Kitap Ayetleri

Paylaş

Keñe axta aptaha Jesús apkeláneya apkeltámeséyak se'e: —Xámok neyke agkok aksok yakwayam nak kanakxaxche, keñe apkántawók ma'a énxet yakwayam nak enakxek ekyexna. Kólmaxna kéxegke m'a ektaha nak Wese' namyep, yakwayam enxoho eláphaksek ma'a ektaha nak apkeltamheykha yakwayam yanchásekxak xa ekyexna nak.

Kólxeg, kóltámesaxche ektémakxa nak ekxeyenma eknaktáxésamaxche s'e: ‘Emenyék ko'o kóltehek kéxegke apmopyósa kóllanok kélmók, momenyek ko'o kólnápok aksok nawha'ák yakwayam helmések ko'o. Axta ko'o aweyk yakwayam alwónmakha m'a énxet'ák eltakmela nak apkeltémakxa, wánxa m'a énxet'ák melya'asáxma nak.’

Xama axta apwet'a Jesús xa énxet'ák nak, apyósekak axta apkelano, hakte kellapwámeykegkek axta, méko axta nahan ekpasmo, máxa axta aptamheykegkok ma'a nekkések meykel'a eltakmelcheso.

Apleg'awók axta eyke Jesús xa, aptahak axta apkeláneya s'e: —Mopmenyék pánakte egyap ma'a énxet'ák apkelyennakte nak, wánxa m'a énxet'ák apkelháxamap nak.

Apweynchámeyha axta Jesús ekyókxoho nepyeseksa tegma apwányam, tén han ekyókxoho nátegma, apkelxekmósegkek axta cha'a énxet'ák kañe' apchakneykekxexa énxet'ák judíos ekyókxoho yókxexma. Aplegasegkek axta anhan amya'a ektakmela ekxeyenma nak ma'a aptémakxa nak Wese' apwányam Dios, apmasésegkek axta anhan ma'a ekyókxoho ektémakxa nak negháxamáxche, tén han ma'a nenlegeykegkoho ekmáske nak.