Mose I, 15 Popüler Kutsal Kitap Ayetleri

Paylaş

Abram he Yawɛ ye; enɛ ɔ he je ɔ, Yawɛ bu lɛ nɔ nɛ peeɔ nɔ́ nɛ da.

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Yawɛ de Abram ekohu ke, “Kikɛmɛ a nyɔguɛ Eliezer nɛ ɔ be o ní yee; mo nitsɛ o bi tutuutu ji nɔ nɛ ma ba ye o gbosi ní ɔ.”

Kɛkɛ nɛ Yawɛ de lɛ ke, “I ngɛ mo dee anɔkuale mi kaa o nina ma ya pee nibwɔhi ngɛ zugba kpa nɔ; a maa pee nyɔguɛhi ngɛ lejɛ ɔ, nɛ a maa wa mɛ yi mi jeha lafa eywiɛ.

Se Abram he nɔ ke, “Yawɛ Mawu, o gbaami ɔ, mɛni he se ma na, imi nɛ i be bi ɔ? Nɔ pɛ nɛ yeɔ ye ní ji Eliezer nɛ je Damasko ɔ.

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”