ลู​กา 9 Popüler Kutsal Kitap Ayetleri

Paylaş

เย​ซู แอ๋ง ก๊อง บั๋ว นิ่น บัว เหยียด ฒู้ง, “หาย เต้า อ๋อย กัน เยีย มี่ง อ๋อย หฒุ เซี้ย เจี๊ยน นิ่น กั้น. ฮนอยๆ อ๋อย หฒุ ดาม เจี๊ยน นิ่น เญย เหฒียบ หฑั่ง จ๋า กัน เยีย มี่ง.

หาย เต้า ขูง ฮนั้ม เหฌียว นิ่น กั้น เญย แหม่ง ฮนั้ง, วั้ว เต้า เญย แหม่ง ฯฒฯ หฒุ กวั่ง. มป่า หาย เต้า เหว่ย เยีย กวั่ง นิ่น เญย แหม่ง, วั้ว เต้า ฯฒฯ เหฌียว ตุ๊ นิ่น เญย แหม่ง.

เย​ซู ก๊อง, “หาย เต้า นั้น เจี๊ยน ไล่ เปย๊ย ไล่ ลี่ง มป่า นิ่น ฮวิน หฑวน หมั่ง ฆะฮ้า, วั้ว เต้า ไม้ ผุย เยียม ทิน-ฮู่ง เญย กั๊วะ.”

หาย เต้า ตุ๊ เหฑ่ง ลู่ง เดี๊ย เญย กะน้าย มป่า นิ่น กั้น หฒุ เหมียด, วั้ว เต้า ตุ๊ หาย หญู่ง ม่าย ลั่ม หล่ง?

หาย เต้า ไญ้ เยีย หย่า ไญ้ เยีย หฌาว เญย หว่า, เยีย, ป้าม เมี่ยน เญย ตอน, เหธา เยีย กั้น เญย ฌัง-หล่าง หย่า เหธา หฒั่ง เตี๋ย เหธา ธีง-เหฑ่ง ฟิน-เมี่ยน เญย ฌัง-หล่าง ต้าย วั้ว หฒั่น, เยีย ฯฒฯ ไญ้ วั้ว เต้า.

เย​ซู ก๊อง บั๋ว นิ่น, “เฮยี่ย จู๊ ม่าย ค้วด เยียม, เหนาะ หย่า ม่าย เล์า, มป่า เยีย, ป้าม เมี่ยน เญย ตอน, ไม้ ม่าย ต๋อง เปว๋ย ฮิด ขวน.”

หย่า ก๊อง บั๋ว นิ่น บัว, “หาย เต้า เต๊ง เยีย เญย บั๋ว ฒิบ น้าย เต้า ไฝ เญย ฝุเจว๊ย, วั้ว เต้า หย่า ฒิบ เยีย. หาย เต้า ฒิบ เยีย หย่า ฒิบ พ้าย เยีย ต้าย วั้ว เต้า. ฮนั้ง หน่าย, เยียม เม่ย บัว เญย บุด๋ง, หาย เต้า โหฒว เก้า ไฝ เจี๋ย, วั้ว เต้า ตุ๊ โหฒว เก้า โฮล เจี๋ย.’