San Mateo 6 Popüler Kutsal Kitap Ayetleri

Paylaş

Mejor me'tztamʌ winac wa'y 'yaŋgui'moyu Dios, y wa'y ijtu ñe' jyusticia mista'm ndzoco'yojmo, y te'šej Diojsismij maŋba ñchi'a'ŋʌtʌjtamu mumu yʌ'šejta'mbʌ tiyʌ.

Te'cotoya jeque, uy jene quipstame jo'pitpʌ jama, porque te' jo'pitpʌ jama ŋguendaŋgue'tpamis tiyʌ mis ndzʌctamba. Tumdumʌ jamapʌ toya mba'ttambatijmis jutzmis wa'y ŋgʌtʌctamu.

Te'cotoya'ʌsmij ndzamjaytyamba: Uy jene quipstame yʌpyʌ jamacʌtʌjcuy, tiyʌ mis maŋba ŋgu'ttamu o tiyʌ mis maŋba uctamu, ni mista'm ŋgüerpo, jutzmis maŋba mbama'ʌytyamu. ¿Ja'nsʌ'ŋde' maspʌ tʌ ŋguenguy que ja'n tʌ ŋgu'tcuy? y ¿Ja'nsʌ'ŋde' maspʌ tʌ ŋgüerpo que ja'nde' tʌ mbama?

Pero mij, oto'ŋʌpya'cmis Dios, tʌjcʌ ŋguarto'ojmo, aŋgʌšo'mʌ nwin y oto'ŋʌ mis Ndata Dios ñaytyumʌ ijtupʌ miji'ŋ. Y mis Ndata Dios, te' quienbapʌ's ja'nmis ŋguenepʌ tiyʌ, te'wʌ'smij maŋba ŋguioyoju pʌ'nista'm wyi'naŋdʌjqui.

Oto'ŋʌytyamba'cmis Dios yʌ'šej nʌmdamʌ: Tatay, tzajpojmomij ijtupʌ, Yajcʌna'tzʌyjaya mis nʌy. Minʌ aŋgui'moya. Yajtucʌ mis sunbašej, Jujcha' tzajpojmo, te'šejtijque' yʌy najsacopajcʌsi.

Tzi'ʌtʌj tumdumʌ jamapʌ tʌs njamacʌtʌjcuy.

Yajcotocoyja tʌs nyatzita'mbʌ ndzʌqui, Jujcha' tʌs nyajcotocoquie'tpa tzʌcjayajpapʌ'stʌj yacha'cuy.

Uytyʌj yajtʌjcʌy oc'išajpamʌytyʌj, Sino que yajcotzocatʌj yacha'cu'yojmoc. Porque mijte' 'yaŋgui'mopyapʌ y te' mʌja'ŋbʌ y te' pyʌcpapʌ's wa'ytyʌ nwʌcotzamu mumu jamacotoya. Amén.

Juca nyajcotocoyajpamis pʌnda'm ñchʌcjayajpa'cmij yacha'cuy, te'šejmij maŋba nyajcotocoytyaŋgue'tu te' tzajpojmo ijtupʌ mis Ndata's.

Quendamʌ sitityajpapʌ palomata'm, ja'n yajtiyʌ ñipyay, ni ja'n chiquiay, ni ja'n yajtu'mʌyay troja'ojmo. Y pyʌ'nʌyajpa tzajpojmo ijtupʌ mis Ndata's. ¿Ja'nsʌ'ŋmij más ŋguioyowa'ʌytyamu mij que ja'nde' palomata'm?

Uy jene tzʌctame itʌpa'tcuy ne'cʌcotoya yʌy najsacopajcʌsi, porque yʌy mo'tpʌ'pa y tinbo'pʌ'pa, y yʌy wijtyajpa te' nu'myajpapʌ wa'y ñu'myaju. Pero tzʌctamʌ tzajpojmopʌ itʌpa'tcuy, te' ja'n myo'temʌy ni ja'n tyinbo'emʌy, ni ja'n wyijtyamyʌy nu'mbawʌ wa'y ñu'myaju. Porque jutimʌy ijtu mista'm itʌpa'tcuy, teymʌ maŋba ijtu mista'm ndzocoy.

Ni'iwʌ's ja'n musi yosjayu tumnacacʌsi metzapʌ comi, porque maŋba qui'nisu tumʌ y maŋba šunu te' eyapʌ, o maŋba myʌja'ŋgomʌ'yu tumʌ y te' eyapʌ ja'n myʌja'ŋgomʌ'i. Ja'nmis musi nyosjaytyamu Dios y nyosjaytyaŋgue'tu te' itʌpa'tcuy.

Juca te'šej suñi yajtzocpa Diojsis te' tza'mo'mota'mbʌ ta'nʌ que išo'oyj ijtu tey y jo'pit quiojtyatʌjpa jucʌtʌjcojmo, ¿ja'nsʌ'ŋmij más wyʌcomʌ'ytyame mijta'm wa'mij ñchi'tamu, ñempemij uša'ŋ nwyʌ'aŋja'moytyamba?

Pero ŋgotpa'c mis limosna Diojsistij yajmusʌ y mis ndzoco'yis tiyʌ mis nʌ saju. Te'šej jeque, nu'mdij sa'oya. Y mis Ndata Dios, te' quienbapʌ's ja'nmis ŋguenepʌ tiyʌ, te'wʌ'smij maŋba ŋguioyoju pʌ'nista'm wyi'naŋdʌjqui.

Ndzʌctamba'cmis oyeta'mbʌ tzʌqui pʌ'nista'm wyi'naŋdʌjqui, uy tzʌctame wa'y quieñaju pʌ'nista'm. Juca te'šej mis ndzʌctamba, uy njo'ctame que maŋbamij ñchi'tamu tiyʌ'iwʌ te' tzajpojmo ijtupʌ mista'm Ndata's.

Y 'yayunatzʌctamba'cmij, uy yajtriste'ajtame nwinnaca chʌquiajpašej te' wʌ'aŋjamba chʌcpa'sta'm, porque ñe'cʌ'sta'm yajquejyajpa wyinnacapit pʌ'nista'm wyi'naŋdʌjqui que nʌte' 'yayunatzʌquiaju. Wiyuŋše'ʌsmij ndzamjaytyamba que te'ta'mbʌ's ijtyajwa'a quioyowa. Pero 'yayunatzʌcpa'cmij jasʌ mis ŋgopac y tze'a mis nwinnaca. Te'šej umij ŋguie'nʌyaju pʌ'nis que nʌmij 'yayunatzʌjcu, pero maŋbamij ŋguie'nʌyu mis Ndata Diojsis porque ñe'cʌ's quienba mumutiyʌ. Ñe'cʌ'smij maŋba ŋguioyoju pʌ'nista'm wyi'naŋdʌjqui.