Матфейица бицараб Рохалил хабар 8 Popüler Kutsal Kitap Ayetleri

Paylaş

Гӏисаца гьезда абуна: – Я, иман дагьаб уммат! Щай нуж хӏинкъулел? Тӏадеги вахъун амру гьабун гьес гьури къотӏизабуна. Ралъад гӏодобе буссана. Тӏубанго сихӏ къотӏун дуниялги хутӏана.

Нусилбетӏерас абуна: – Я, Бетӏерчӏахъад! Мун къавулъе лъугьине мустахӏикъав чи гуро дун. Цо рагӏи абе дуца, гьелдалъун сахлъила дир рагьтӏател.

Гьединал рагӏабаз гӏажаиблъизавуна Гӏиса. Жиндаго хадур рачӏунел рукӏараздехун вуссун, гьес абуна: – Гьале дица нужеда абулеб буго: Исраилил халкъалда гьоркьобгицин лъилниги дандчӏвачӏо дида гьединаб божи-иман.

Дов нусилбетӏерасда Гӏисаца абуна: – Гьанже дурго рокъове а. Мун божун вугеб жо лъугьина дуе. Рагьтӏател гьебсагӏатго сахлъанила.

Гьуриги ралъадги жиндие мутӏигӏав гьавго кинав чийилан гӏажаиблъун хутӏана гӏадамал.