Kucangtsi 6 Popüler Kutsal Kitap Ayetleri

Paylaş

Ayi ndembeb Yaweh utob ti awu kyae unde uwae utense. Utob-wu ndembeb si-yi ti ti ri be.

Yaweh nung itibi ande ko ku fufa uwae utense, meme ira ti kab ande munn te ira titibi.

Amaa Nuhu tu kutxuwe titinyang uwe Yaweh.

Ayine si kuci na Nuhu. Nuhu si unde ti kubenti, ti som usom ti pang atang uwae ande ti tsitsi kiye-wu. Awu kyang ikyin te Rimam.

Ikyaen yine, Yaweh ri baa, “Ande ti ame kyae, ame u twenji ba uwae utense – aba ti ibye ti rimang meme. Iken ti ku kyang riben, ti inung ti apupwen meme, ayi nyangskeb ti ame ú kyae-m ayi be.”

Ti ande jwunn ku fufa uwae utense, ama aba mbae anyisu ti anda, anyisu Rimam ti arom nung anda ti tinyang ti ande ku mbae, aba tsab ati waen timambe uwae-ba, u pu ba mbe. Tiri Yaweh ri baa, “Kusung-m, ti ku nda unyang, u som kunn-wu te ande ru fife yi uwe cwucwo be, ikyaen ti, aba si anying ti ibye ijwe. Bag tine ru yi uwe, asang-ba u yafe-yi asang ukob mbe rikom (120) be.” Kiye wu ti anyisu Rimam ti arom ba nae te anyisu ande ti anda, aba mbae ukam ande ti rinyi-ba pu iten. Aba som utense uwae kiye wu, ti uwae kiye iki kpang isim-yi.

Nuhu nde putsa meme iken ti Rimam ri te wu.

Tiri Rimam ri te Nuhu baa, “Ame sa tsi pu m ti m u wenji tag ande ti utense, ikyaen ti kubyagkwa ti ira titibi munnkyi tag utense ikyaen-ba. Ame u fen pu ba ru ye utense.

Ikyaen yine, kyae na ijwe-fu kuyae na kutuku titinyang, ti kpakang. Kata wu kusog-kusog, ti fu fxebkyi wu, uwae ti ise meme, ti kindob koltai.

Rimam sae utense ndembeb pu wu, ikyaen ti ande ti ta uwae utense ye usom ti som-ba ndembeb pu ba.

Pu meme itso iken ti site unyang ifaen-ifaen, tī urom tí ti unda, sang fa uwae kuyae atang, ti itso-yi ā twenji-yi be.