Kʼoeˇ naˇ, Sahˬpaˬ Miˬyehˇ-ahˇ Yaˬkoˆ heu loꞈ-ehˇ saˇ jaˇ dzaˬ-euˬ meh. “Ngaˇ iˇ luꞈ-eu gaˇ ma heu kahˇ mehˬ shi, nawˇ ngaˬ-ahˇ haw piˇ-awˇ, loˬ-eu dzaˬ dzaˬ dawˇ dawˇ hawˇ-eu dm gʼaˬ dm lmˇ biꞈ laꞈ-eu uˬ taꞈ, ngaˇ tiˬ jeˬ-iˬ maˬ ca laˇ ni ngaˬ da-euˬ nymˇ-ahˇ gʼoꞈ keuˆ-iˇ nya naˇ, nawˇ ngaˬ-euˬ Miˬyehˇ pyeuꞈ tehꞈ-a. Noeˬ keuˆ-eu gʼaˇ duˬ ngaˬ neh kʼaˬ lo ka tuˇ taˬ-euˬ jawˇ duˬ heu tsahˇ-ahˇ, ngaˇ nawˬ-ahˇ uˬ duˬ tahˬ-awˇ, nawˬ neh ngaˬ-ahˇ kʼaˇ biꞈ laꞈ-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ paˇ damˬ kʼoꞈ nehˬ ma.”