Aˇ dahˬ 24 Popüler Kutsal Kitap Ayetleri

Paylaş

“Zaˬ kʼaˆ kʼoeˇ gʼaˬ heu loꞈ-ehˇ guiˬ lahˬ shaˇ-euˬ meh. Ngaˬ-euˬ baw leˬ Aˬbyaˬhaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˬ-euˬ baw leˬ Aˬbyaˬhaˬ-ahˇ nawˬ neh biꞈ taˬ-euˬ saˇ jaˇ-ahˇ noeˬ keuˆ-awˇ, iˬ nah ngaˇ mˇ-eu lehˇ gʼeh-eu gaˇ heu hmˬ pyeuꞈ leˇ ni caw ba nehˬ laꞈ-awˬ.

Nawˬ-euˬ muiˇ deuˇ oeˬ lahˬ baꞈ ka-awˇ, ngaˬ-ahˇ iˇ cuꞈ ui cuiˆ bi dawˇ laꞈ sheˇ lehˇ, zaˬ miˬ aˬ buˇ tiˬ gʼaˬ-ahˇ ngaˇ ehˇ nehˬ haw ngeh, Dawˇ-awˬ. Nawˬ-euˬ law taw deuˬ-ahˇ kʼawꞈ, ngaˇ iˇ cuꞈ kʼawꞈ nehˬ ma lehˇ aˬ yawꞈ ehˇ naˇ, zaˬ miˬ aˬ buˇ zaˬ guˬ kʼoeˇ gʼaˬ-aˬ, nawˬ-euˬ zaˬ kʼaˆ Iˇtsaˆ gʼaˇ duˬ nawˬ neh tseˇ doˆ taˬ-euˬ gʼaˬ pyeuꞈ tehꞈ-a. Kʼoeˇ loꞈ-ehˇ pyeuꞈ laˇ naˇ, ngaˬ-euˬ baw leˬ-ahˇ nawˇ saˇ jaˇ ziꞈ-eu gaˇ kawˆ ngaˇ ya siˬ duˬ tehꞈ-a.”

Kʼoeˇ ngeh, Iˇtsaˆ-aˬ, aˬ yawꞈ aˬ ma Saˬlaˇ yaw dehꞈ dehꞈ ngeh jawˇ-euˬ sehˬ gʼawˆ laꞈ kʼoeˇ Leˬbehˇkaꞈ-ahˇ sheuˬ uˇ gʼeh-awˇ, aˬ yawꞈ-euˬ miˬ zaˬ bi pyeuꞈ laˇ-euˬ meh. Iˇtsaˆ Leˬbehˇkaꞈ-ahˇ gaˬ-eu miˇ neh, aˬ yawꞈ aˬ ma shiˇ-euˬ gaˇ noeˬ luꞈ-eu nui ma byoˆ-iˇ-euˬ meh.

Aˬ yawꞈ maꞈ Leˬbehˇkaꞈ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Zaˬ miˬ dmˇ ma-oˇ, nawˇ-aˬ, maˬ gui jiˇ coeˇ-eu tsawˇ haˬ deuˬ-euˬ aˬ ma ma dzahˇ pyeuꞈ laˇ luꞈ-uˇ. Nawˬ-euˬ zaˬ nawˬ-euˬ uˆ deuˬ-aˬ, aˬ yawꞈ maꞈ-ahˇ muiˇ-eu tsawˇ haˬ deuˬ-euˬ meuˬ deuˬ-ahˇ deuˆ gʼaˬ luꞈ-uˇ.”

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma. Ngaˇ dehꞈ le-euˬ miˇ kʼahˬ-ahˇ le-awˇ, ngaˬ-euˬ aˬ yuiꞈ aˬ nyiˇ deuˬ laꞈ kʼoeˇ, ngaˬ li gʼaˇ duˬ miˬ zaˬ tiˬ gʼaˬ nawˇ ya shaˇ poˆ nehˬ-iˇ meh.”