Aˇ dahˬ 17 Popüler Kutsal Kitap Ayetleri

Paylaş

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Nawˬ-euˬ tsawˇ myahˇ-aˬ, Aˬbyaˬ lehˇ maˬ paˇ ngeuˇ-ehˇ, Aˬbyaˬhaˬ lehˇ nawˬ-ahˇ ya kuˇ meh. Aˬ jeˬ miˇ neh ehˇ naˇ, ngaˇ nawˬ-ahˇ tsawˇ jeuˬ gʼawˬ mya jeuˬ-euˬ aˬ da yaw dzahˇ bi pyeuꞈ laˇ ma.

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

“Ngaˇ nawˬ nehˬ-ehˇ heu loꞈ-ehˇ dawˬ ma saˇ jaˇ dzaˬ-eu ma. Nawˇ-aˬ, tsawˇ jeuˬ gʼawˬ mya jeuˬ-euˬ aˬ da yaw dzahˇ ya pyeuꞈ laˇ tehꞈ-a lehˇ, ngaˇ saˇ jaˇ biꞈ-eu ma.

Ehˇ kʼawꞈ, Miˬyehˇ ehˇ-eu, “Nawˇ teu loꞈ-ehˇ taˬ ehˇ. Nawˬ-euˬ nymˇ dahˬ Saˬlaˇ aˬ li tiˬ li ciˬ-awˇ, aˬ li kʼoeˇ li-ahˇ Iˇtsaˆ lehˇ nawˇ ya myahˇ nehˬ tehꞈ-a. Aˬ yawꞈ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, mˬ maˬ maˬ byaˆ zaˇ ziˇ ziꞈ-eu saˇ jaˇ ngaˇ dzaˬ ma.

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˬbyaˬhaˬ-aˬ, pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ taˬ-euˬ meh. Ehˇ kʼawꞈ, “Tsawˇ haˬ tiˬ gʼaˬ aˇ kʼoꞈ tiˬ yaˇ byah laˇ taˬ-euˬ gaˇ zaˬ paˇ jawˇ le nya ta loˇ. Saˬlaˇ aˇ kʼoꞈ gʼoeˬ tseˇ byah laˇ-euˬ zaˬ ciˬ zaˬ cu paˇ mˇ nya ta siˬ loˇ” lehˇ, aˬ yawꞈ-euˬ nui ma laꞈ kʼoeˇ noeˬ doˆ laˇ-awˇ, uiˇ kʼoeˬ-euˬ meh.

Aˬbyaˬhaˬ-ahˇ Miˬyehˇ ehˇ nehˬ-eu, “Nawˬ-euˬ nymˇ dahˬ-ahˇ Saˬlehˇ lehˇ taˬ paˇ kuˇ. Iˬ nah taꞈ naˇ, aˬ yawꞈ-euˬ tsawˇ myahˇ Saˬlaˇ lehˇ meh.

Ngaˇ hawˇ-eu naw maꞈ-euˬ yaw kaˬ-ahˇ dzaˬ taˬ-euˬ dawˬ ma saˇ jaˇ heu hmˬ gaˇ kawˆ saˇ kiˇ pyeuꞈ-eu gʼaˇ duˬ, naw maꞈ baˆ kʼoˆ mehˬ dzaˬ ya yehˬ meh. Aˬ kaˇ naˇ, kʼaˇ dehꞈ le-eu aˬ li yawˬ gʼaˬ na luꞈ-ahˇ, dehꞈ le gʼaˬ-awˇ yehꞈ nah byah laˇ naˇ, baˆ kʼoˆ mehˬ dzaˬ ya yehˬ nehˬ meh. Nawˬ-euˬ nymˇ laꞈ kʼoeˇ dehꞈ le-euˬ zaˬ kʼaˆ deuˬ hawˇ-eu, nawˬ neh zeuˇ tsehˆ taˬ-euˬ boeˇ miˬ siˬ kʼaˬ zaˬ kʼaˆ deuˬ kʼawꞈ, baˆ kʼoˆ mehˬ dzaˬ ya yehˬ meh.

Ehˇ kʼawꞈ, naˬ yaꞈ kʼoꞈ heu yamˬ-ahˇ dehꞈ le-eu Saˬlaˇ-euˬ aˬ li Iˇtsaˆ gʼaˬ nehˬ-ehˇ, ngaˬ-euˬ dawˬ ma saˇ jaˇ ngaˇ taˬ ma.”

Ngaˇ hawˇ-eu naw maꞈ-euˬ yaw kaˬ-ahˇ dzaˬ taˬ-euˬ dawˬ ma saˇ jaˇ heu hmˬ gaˇ kawˆ saˇ kiˇ pyeuꞈ-eu gʼaˇ duˬ, naw maꞈ baˆ kʼoˆ mehˬ dzaˬ ya yehˬ meh. Aˬ kaˇ naˇ, kʼaˇ dehꞈ le-eu aˬ li yawˬ gʼaˬ na luꞈ-ahˇ, dehꞈ le gʼaˬ-awˇ yehꞈ nah byah laˇ naˇ, baˆ kʼoˆ mehˬ dzaˬ ya yehˬ nehˬ meh. Nawˬ-euˬ nymˇ laꞈ kʼoeˇ dehꞈ le-euˬ zaˬ kʼaˆ deuˬ hawˇ-eu, nawˬ neh zeuˇ tsehˆ taˬ-euˬ boeˇ miˬ siˬ kʼaˬ zaˬ kʼaˆ deuˬ kʼawꞈ, baˆ kʼoˆ mehˬ dzaˬ ya yehˬ meh. Yawˬ gʼaˬ na luꞈ baˆ kʼoˆ mehˬ dzaˬ ya yehˬ-awˇ, heu loꞈ-ehˇ mˇ-eu jeˬ-aˬ, ngaˇ hawˇ-eu naw maꞈ yaw kaˬ-ahˇ dzaˬ taˬ-euˬ dawˬ ma saˇ jaˇ heu hmˬ, mˬ maˬ maˬ byaˆ zaˇ ziˇ ziꞈ-eu gaˇ kawˆ saˇ kiˇ pyeuꞈ-eu meh.