Mat 5 Popüler Kutsal Kitap Ayetleri

Paylaş

Munthu angayashelini nyale noyifisa mu nongo, koma oyiyika poyika nyale nipo yuŵalisha ku wonse ali mu ngʼanda. Cimozi–mozi, nyale yanu iŵale pa ŵanthu kuti awone nchito zanu ziweme notembezya Awusu wanu ŵa Kululu.”

“Mwewo nimwe nyale yosanikila ŵanthu wonse. Munzi wonkhala pa lupili ungafisikelini.

Ni woshukishiwa atuŵa mtima, pakuti akawone Mulungu.

Ni woshukishiwa akumvwa njala na njota yopangwa cilungamo, pakuti Mulungu akakwanilishe vopangwa vawo.

Koma nukuwuzyani kuti muwotemwa alwani ŵanu, noŵalombela ŵala okutamanishani

“Ni woshukishiwa ŵanthu otamana mu mtima mwawo, pakuti Ufumu wa Kululu ni wawo.

Ni woshukishiwa oleta mtendele, pakuti Mulungu akaŵayite kuti ŵana ŵake.

Ni woshukishiwa ŵanthu olila, pakuti Mulungu akaŵasangalashe.

Ni woshukishiwa otamanishiwa cikomo ca cilungamo, pakuti Ufumu wa Kululu ni wawo.

Ni woshukishiwa ocitila lusungu ayawo, pakuti Mulungu akaŵacitile lusungu nawo.

“Nimwe woshukishiwa mwewo keno ayakine okutafulilani, nokutamanishani, nokulaŵililani viyipa cikomo cokonkha newo. Sangalalani, pakuti cilambu canu ni cikulu Kululu, pakuti niye mwenzotamanishila aneneli enzeko kale.”

Ni woshukishiwa ŵanthu osisikanya, pakuti Mulungu akaŵape calo ca pansi.

“Nimwe munyu wa pa calo, koma keno munyu wala wasila mphamvu, mphamvu na uweme wake ungawelele tyani soti? Ni uwemelini soti ku ciliconse koma tyala kutayiwa nokandiwa na mendo ŵa ŵanthu.

Muŵe atuŵa ngani mwalili Awusu wanu ŵa Kululu.”

Mukoyingokuti ‘Eee,’ keno ‘Yayi,’ pakuti ciliconse cupitilila apa cufuma ku Muyipa Wala.”

“Mwecimvwa kuti kwelaŵiliwa mu Malembo kuti, ‘Linso kulipila linso, nipo lino kulipila lino.’ Koma nukuwuzya kuti osakangana naye munthu muyipa. Keno munthu wakunyata ku mbovu imo, umupe kuyakine.

Keno linso yanu ya kwendi yukutayishani cicetekelo, muyikolowole noyitaya. Pakuti ni ciweme kuti mutaye linso imo kupula muŵili wonse kuyoloŵa ku Gehena. Nipo keno kwanja kwanu kwendi kukutayishani cicetekelo, mukutende notaya. Ni ciweme kuti mutaye cizo cimo, kupula kuti muŵili wonse ukapozewe ku Gehena.”