Matyu 25 Popüler Kutsal Kitap Ayetleri

Paylaş

“Ei kʉn, Wu Nuim Mumuk ei ndi, punt ropa nimba mel, ‘Enim ik kupa ei, kundʉp nʉnt. Ya nʉnt uⱡ mbʉ mel wamp mbi mul nʉmbil, na nga ʉngʉnʉl mbʉ kʉn, etʉng uⱡ nimbʉ, na kʉn etʉng!’

“Wote, wu nuim ni ndi, punt ropa nimba mel, ‘Pʉp nʉn, nim kongun wu koip pi ye! Nim ku moni onunga kuraⱡ ila, ronduⱡ pukʉn etkʉn ou ndun kant ei kʉn, na nga ku moni ou ndupa tetʉm mbʉ rʉp indʉn. Na nim nga nuim ei, akup kai pʉnt ei kʉn, nim murʉk wana ambʉⱡʉp paⱡʉp muⱡʉmbil ui!’ nitim.

Nambuⱡ emel, wamp nam ti ndi, mel ou ndupa tepa moⱡum ila mbʉⱡ ila mel ou ndupa ngangga, ama minal tʉmba. Wote wamp nam ti, mel onunga etpa tepa moⱡum ni kʉⱡ, yant tʉpa mel ou ndupa tepa moⱡum wamp ni ngumba. Wote, wamp nam ti, mel onunga etpa tepa moⱡum kʉⱡ, kelpa ekit tʉmba.

Jisas ndi, ik kʉⱡ nimba pora ndumba, etpa ei mel nitim, “Na yant uimp ei, rumbʉⱡ ila muna, rʉnggilmʉ muna, ant mong nant tila uimp. Ei nambuⱡ emel, enim pili nʉpiling ei nga, tʉk mendʉk muⱡʉi!” nitim.

Nambuⱡ emel, na kun ndi, koⱡmba kandʉk, rʉng ngurung. Nu waka ndi, koⱡmba kandʉk, nu kolk ngorung. Manga tʉma oⱡʉmba, rawe etʉk tʉtʉng, giyu gou andʉⱡʉmba kandʉk, wal pʉki na mat tʉk randrʉng. Na kui roⱡnga pilmba ok, kuimp keta minal etʉng, kan manga ila pilmba ok kandrung,’ nitim.

“Wote, wu nuim ni ndi, punt ropa nimba mel, ‘Pup nʉn, nim wu koip pi ye! Nim ku moni onunga kuraⱡ ila, ronduⱡ pukʉn, etkʉn ou ndun in kant ei kʉn, na nga ku moni ou ndupa etpa tetʉm mbʉ rʉp itʉn. Na nim nga Nuim ei, akup kai pʉnt ei kʉn, nim murʉk wana, ambʉⱡʉp paⱡʉp muⱡʉmbil ui!’ nitim.

Nambuⱡ emel, na kun ndi, koⱡmba kandʉk, rʉng ngurung. Nu waka ndi, koⱡmba kandʉk, nu kolk ngorung. Manga tʉma oⱡʉmba, rawe etʉk tʉtʉng, giyu gou andʉⱡʉmba kandʉk, wal pʉki na mat tʉk randrʉng. Na kui roⱡnga pilmba ok, kuimp keta minal etʉng, kan manga ila pilmba ok kandrung,’ nitim.