God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s1">2:1-12 Iesu Siroruturia-da Ivata Dumeni Gigigea, Beforo Gari Embobo Fefera Vitari Kena Reta Um&#243; Ghanena Egegaita Rea, Fufuguturie.</div><div class="p"> 1Avore, fefera anava emb&#243;, ragaro Herot, um&#243; kini ea irieta, Iesu mo Betlehem naa, Judia Frovensi anava fufirie. Fufirieta, beforo gari enembo dumeni eini-eini donu siroraita urari mo, damanava gia tanana egegeta uria enembomi, beina fefera vitari kena reta furia, Jerusalem bububuguturie. 2Bubua, n&#250;manda uriga egh&#225; egeguturie, &#8220;Jiusi enemboda kini reka fumbia mo niavo viti? N&#225;mane unda damana beina fefera vitari kena gigigutara-gea, und&#250; tumogha ba&#297; aita reisi-fore.&#8221;</div><div class="p"> 3Agh&#225; regeguturieta ningia, Kini Herot de kot&#250; Jerusalem enembode dano an&#225; bing&#225; niningigea, mana-mana urota, gaa bee sidara egeguturie. 4Agh&#225; ea, fristi* maneda kokotofude, Moses da Gaga Irugari Kakatode* dano aghi jufirieta furia, undava danode desuturieta, an&#225; sok&#225; niavo sirorasua-du uriga urie.</div><div class="p"> 5Agh&#225; uriga urieta, n&#250;mane mino und&#250; egh&#225; regeguturie, &#8220;Um&#243; naa Betlehem, Judia Frovensi rova sirorasue. Anada bee mo, feroveta unda siroraridu gaga egh&#225; gefirie:</div><div class="q1"> 6 # 
 Mic 5:2
 &#8216;N&#237;mane Betlehem naa, Judia Frovensiva vitera enemboda bing&#225; jojabe ea,</div><div class="q2">Judia undida kokotofu dumenida bing&#225; serigaita rouvie.</div><div class="q1">Anada bee mo, n&#237;manda rorova emb&#243; eini beforo righari ea,</div><div class="q2">anda natofo Israel enembo kaifa aita rouvie.&#8217;&#8221;</div><div class="p"> 7Agh&#225; rea sidara urieta, Herot na kivumi aghi jufirieta, an&#225; beforo gari enembo undava fufuguturieta, n&#250;mandava an&#225; damana fefera domi siroruturia-nu tanana urie. 8Tanana ea, n&#250;mane ninenguturota egh&#225; ririe, &#8220;N&#237;mane igige, Betlehem naava bubua, an&#225; sok&#225; tava ea tatambugea, tutumi kaverea fufuge! Regegadi ningia, am&#243; beago ya, und&#250; tumogha ba&#297; are!&#8221;</div><div class="p"> 9An&#225; kini da gaga donu riria ningia, n&#250;mane seriguturie. Igiguturota, an&#225; damana beina fefera vitari kena gigiguturia-mi n&#250;manda dibe kena aria, an&#225; sok&#225; vitiria kambesida itiva tuk&#250; urie. 10N&#250;mane an&#225; damana rekago gigiguturia aghade, neno gangorogha dano igiguturie. 11Aria, an&#225; sok&#225; nue Meri gha vitiria kambova bubua, gangorogha dano an&#225; sok&#225;du n&#250;manda tumogha dano ba&#297; urota, n&#250;manda vesa goldi, kot&#250; ika muu eini munode ragaro frankinsensi, kot&#250; ika muu munode eini, ragaro meer reta rousua ananu bua, vesa ututuguturie.#2:11 Eini-eini eini tamo saghaideda gaami frankinsensi reta rosora mo, ika ijokoda muu ka&#297; arimi ari re. Kot&#250; eini-eini eini ragaro meer beago, ika ijoko einida muumi ari re. Ika ungagha anada tamova faka-faka egegeaveta, muu bubua ka&#297; eaveta, olivi da muugha bagega ea, anami tamo o eini-eini dumeniva daveta egeguturie. Ika ungagha rera-da muu an&#225; muno taubana bee re. Agh&#225;-gea, anada mino iti beeva re. Iesu siroruturia feferava, enembo kokotofudu vesa utaita rirota mo, eini-eini aghago manemi ututugeta urie. Avore, beforo gari enembomi Iesu kakara urota, und&#250; ututuguturie. </div><div class="p"> 12Agh&#225; egegea, God donu dira einiva n&#250;mandu riria-nu nundubuturota, jo ya Herot dava bubambi, emboro einiva kaverea aria, n&#250;manda roo endava bububuguturie.</div><div class="s1">2:13-18 Kini Herot Dava Nungaita Rea, Josep Mane Isip Igiguturie.</div><div class="p"> 13An&#225; beforo gari embobo seriguturia-da ambova, Jojabeeda anerami dirava, Josep du egh&#225; ririe, &#8220;Im&#243; erea, inda sok&#225; nuegha bua serigea, Isip igige! Bubua, anava iradi-gea, anona rata ningia kaverea furadi! Anada bee mo, Herot na, unda enembo dumeni an&#225; sok&#225; tava ea data amburari-du raita rouvie.&#8221; 14Agh&#225; riria-du, Josep tumbade erea, nungarimi unda sok&#225; nuegha bua, numonde Roo Enda Isip igiguturie. 15#Hos 11:1Aria, anava irieta, Kini Herot ambubuturie. Jojabee na ferovetadu donu riria aghade, gaa bee urie, &#8220;Anona ririeta, anda mendi Isip roo enda vareta furie.&#8221;</div><div class="p"> 16An&#225; beforo gari enembo um&#243; kukuviria-nu tanana ea, Kini Herot neno akuago urie-gea, Betlehem naa kot&#250; naa ijoijokoko anada kasava sok&#225; vividenu dedegota ambubugari-du ririe. An&#225; beforo gari enembomi damana nanjigo siroruturieta regeguturia-nu nundubuturota, an&#225; sok&#225; mane vivide ghaeko ungaghada vorari kena dano dedegota, ambubugari-du ririe.</div><div class="p"> 17Kini donu riria-da bee siroruturia aghade, feroveta Jeremaia gaga donu gefiria, an&#225; gaa bee urie.</div><div class="q1"> 18 # 
 Jer 31:15
 &#8220;Aghade, Rama naava Resel jii be fugea rieta niningiguturie.</div><div class="q1">Resel na unda sasingudu jii be fugia rirota, enembomi und&#250; neno jama ututugasue-tago,</div><div class="q1">unda sasingu dano ambubuguturia-du, um&#243; n&#250;manda sonemba bari injigha urie.&#8221;</div><div class="s1">2:19-23 Nasaret Kaverea Igiguturia Re.</div><div class="p"> 19-20Herot ambubuturia-da ambova, Josep Isip irieta, Jojabeeda anerami dirava isagha ea, und&#250; egh&#225; ririe, &#8220;An&#225; emb&#243; inda mendi data amburari-du riria, ambubuta-du, im&#243; erea, inda mendi nuegha bua kaverea, Israel roo endava igige!&#8221;</div><div class="p"> 21Agh&#225; ririeta ningia, Josep erea, unda mendi nuegha bua, numonde kaverea, Israel roo endava igiguturie.</div><div class="p"> 22Anava yaita urota, gaga eini nininguria mo, emb&#243; ragaro Arkelaus numamo Herot da kambesi bua, kini ea, Judia Frovensi kaifa eta urie. Ananu niningurie-gea, unda mendi nuegha bua yari oru urie. Tago, dirava isuri gaga dumeni ningia, um&#243; aria, Judia Frovensi serigea, Galili Frovensiva igiguturie. 23#Mak 1:24; Luk 2:39; Jon 1:45N&#250;mane aria, naa ragaro Nasaret bubua, anava naa dighia vitiria-du, Jojabee na ferovetadava donu riria, an&#225; furia gaa bee urie, &#8220;&#8216;Um&#243; an&#225; Nasaret emb&#243; re,&#8217; regegaita rousue.&#8221;</div>
 </div>
 </div>
</div>

Avore, fefera anava embó, ragaro Herot, umó kini ea irieta, Iesu mo Betlehem naa, Judia Frovensi anava fufirie. Fufirieta, beforo gari enembo dumeni eini-eini donu siroraita urari mo, damanava gia tanana egegeta uria enembomi, beina fefera vitari kena reta furia, Jerusalem bububuguturie. Bubua, númanda uriga eghá egeguturie, “Jiusi enemboda kini reka fumbia mo niavo viti? Námane unda damana beina fefera vitari kena gigigutara-gea, undú tumogha baĩ aita reisi-fore.”
Aghá regeguturieta ningia, Kini Herot de kotú Jerusalem enembode dano aná bingá niningigea, mana-mana urota, gaa bee sidara egeguturie. Aghá ea, fristi* maneda kokotofude, Moses da Gaga Irugari Kakatode* dano aghi jufirieta furia, undava danode desuturieta, aná soká niavo sirorasua-du uriga urie.
Aghá uriga urieta, númane mino undú eghá regeguturie, “Umó naa Betlehem, Judia Frovensi rova sirorasue. Anada bee mo, feroveta unda siroraridu gaga eghá gefirie:
‘Nímane Betlehem naa, Judia Frovensiva vitera enemboda bingá jojabe ea,
Judia undida kokotofu dumenida bingá serigaita rouvie.
Anada bee mo, nímanda rorova embó eini beforo righari ea,
anda natofo Israel enembo kaifa aita rouvie.’”
Aghá rea sidara urieta, Herot na kivumi aghi jufirieta, aná beforo gari enembo undava fufuguturieta, númandava aná damana fefera domi siroruturia-nu tanana urie. Tanana ea, númane ninenguturota eghá ririe, “Nímane igige, Betlehem naava bubua, aná soká tava ea tatambugea, tutumi kaverea fufuge! Regegadi ningia, amó beago ya, undú tumogha baĩ are!”
Aná kini da gaga donu riria ningia, númane seriguturie. Igiguturota, aná damana beina fefera vitari kena gigiguturia-mi númanda dibe kena aria, aná soká vitiria kambesida itiva tukú urie. Númane aná damana rekago gigiguturia aghade, neno gangorogha dano igiguturie. Aria, aná soká nue Meri gha vitiria kambova bubua, gangorogha dano aná sokádu númanda tumogha dano baĩ urota, númanda vesa goldi , kotú ika muu eini munode ragaro frankinsensi, kotú ika muu munode eini, ragaro meer reta rousua ananu bua, vesa ututuguturie.
Aghá egegea, God donu dira einiva númandu riria-nu nundubuturota, jo ya Herot dava bubambi, emboro einiva kaverea aria, númanda roo endava bububuguturie.

Aná beforo gari embobo seriguturia-da ambova, Jojabeeda anerami dirava, Josep du eghá ririe, “Imó erea, inda soká nuegha bua serigea, Isip igige! Bubua, anava iradi-gea, anona rata ningia kaverea furadi! Anada bee mo, Herot na, unda enembo dumeni aná soká tava ea data amburari-du raita rouvie.” Aghá riria-du, Josep tumbade erea, nungarimi unda soká nuegha bua, numonde Roo Enda Isip igiguturie. Aria, anava irieta, Kini Herot ambubuturie. Jojabee na ferovetadu donu riria aghade, gaa bee urie, “Anona ririeta, anda mendi Isip roo enda vareta furie.”
Aná beforo gari enembo umó kukuviria-nu tanana ea, Kini Herot neno akuago urie-gea, Betlehem naa kotú naa ijoijokoko anada kasava soká vividenu dedegota ambubugari-du ririe. Aná beforo gari enembomi damana nanjigo siroruturieta regeguturia-nu nundubuturota, aná soká mane vivide ghaeko ungaghada vorari kena dano dedegota, ambubugari-du ririe.
Kini donu riria-da bee siroruturia aghade, feroveta Jeremaia gaga donu gefiria, aná gaa bee urie.
“Aghade, Rama naava Resel jii be fugea rieta niningiguturie.
Resel na unda sasingudu jii be fugia rirota, enembomi undú neno jama ututugasue-tago,
unda sasingu dano ambubuguturia-du, umó númanda sonemba bari injigha urie.”

Herot ambubuturia-da ambova, Josep Isip irieta, Jojabeeda anerami dirava isagha ea, undú eghá ririe, “Aná embó inda mendi data amburari-du riria, ambubuta-du, imó erea, inda mendi nuegha bua kaverea, Israel roo endava igige!”
Aghá ririeta ningia, Josep erea, unda mendi nuegha bua, numonde kaverea, Israel roo endava igiguturie.
Anava yaita urota, gaga eini nininguria mo, embó ragaro Arkelaus numamo Herot da kambesi bua, kini ea, Judia Frovensi kaifa eta urie. Ananu niningurie-gea, unda mendi nuegha bua yari oru urie. Tago, dirava isuri gaga dumeni ningia, umó aria, Judia Frovensi serigea, Galili Frovensiva igiguturie. Númane aria, naa ragaro Nasaret bubua, anava naa dighia vitiria-du, Jojabee na ferovetadava donu riria, aná furia gaa bee urie, “‘Umó aná Nasaret embó re,’ regegaita rousue.”

Dinleyin Matyu 2